Gambia nih Facebook company cu ICJ biaceih zungah Kawlram tazacuainaak kong he aa pehtlaihmi cozah ralkap le palik data pawl a hal nain Facebook Company nih cohlan loin a hnon piak tiah theih a si.
Gambia sihni chimhnak nawl ngeitu nih chimh ningah Kawlram cozah ralkap bawi hna le palik bawi tuanvo ngeitu hna i an data pawl le messenger in an chimhmi vialte cu Gambia ram kuat dih ding in Facebook sin a hal ti a si.
Cu kong he pehtlaih in Facebook Company nih Facebook a hmangtu vialte an data pawl midang sin kuat chin lo ding timi American Upadi he aa ralkah caah kan hnon piakmi a si tiah an chim.
Cu kong he pehtlaih in Columbia state i State biaceih zung nih Facebook Company nih an cohlan lonak cu cawn nihnihni ah lehnak an tuah ti si. Gambia nih hin Kawl ram miphun thleidannak le huatnak cabia karhternak kongah Facebook aa tel ve tiah sual a phawt bal cang.
Facebook nih cun huatnak bia le miphun thleidannak um loin rian kan tuan i UN he hmunkhat ah rian kan tuanti tiah fianternak a rak tuah. Tutan Facebook nih a hnon piakmi kong he pehtlaih in Gambian Anthony General nih zeihmanh lehnak a tuahmi a um rih lo tiah theih a si.
Ref: TTL
Leave a Reply