Poi ko Rakhine ramkulh, Sittwe myo, Kyipingyi sang i Kanbawza (KBZ) Bank (2) cu nihin June 10 ni zanlei suimilam 4 mp hrawngah damiah nih an taih tiah theih a si. Thil sining cu tu zanlei suimilam 4 pm hrawngah Sittwe khuapi KBZ Bank (2) chungah hmai hupmi minung 4 hrawng nih.
An lut hnwh i damiah an taih hi a si i Bank phaisa khat sing (1800) an kalpi tiah ohchohzi phu hna sin in theih a si. Damiah taihtu mifir hna hi pickup motor an hmang i tanbo le nam an i tlaih tiah ohchohzi phu hna chimh ning in theih a si. Sittwe khuapi cu Rakhine ramkulh khualipi a si i mithahnak a um ahhin tuanvo ngeitu hna nih a thahtu an theih kho bal lo.
Cu caah nihin KBZ Bank damiah taihnak kong zongah cozah lei security pawl biahal ding tampi an um tiah khuami pakhat nih a chim. DVB nih a langhter ve ning ahcun damiah an taih hi Bank khar caan a si i hnulei in pickup motor he minung 4 nih an nam cu hni le sala-eih chung an khumh i an rak lut a chung an phan hnuah an hriamnam an chuak i mi an thihphaih tiah a lanhter.
Cun Security Forces pawl nih misual tlaih khawh ding an i zuam i minung 2 cu an tlaih khawh cang nain a dang 2 cu an tlaih kho rih lo ti si. An tlaih cangmi minung 2 cu an hlathlai lio tiah theih a si.
Leave a Reply