Vawlei cung nih zoh duh ngaimi Khabib le Justin Gaethje cu UFC 254 ah UFC Lightweight Title Champion i cuh ah an iphomh taktak cang. Tuzan UFC puai cu an puai lai a theihmi Laimi nih kan zoh dih ngawt lai ka zumh.
Tu zan puai ah Khabib “The Eagle” cu a champion taisawm le undefeated a sinak irunven dingah defend in aa phomh lai i, Justin “The Highlight” nih cun ahohmanh nih an tei kho rih lomi Russian MMA fighter tei khotu tuanbia tial aa zuam ve te lai tiah expert pawl nih an ruahdamh nain amah bak nih a nor chihmi hmuh a si.
Khabib niih a zuan hnawh lengmang i Justin cu a cawl kho ti lo. Round khatnak ah Khabib nih a reh chih i a tei cang lai maw kan ti lio ah round 1 caan a dih. Round 2 ah Khabib nih a ke in Justin hngawng a reh i Justin thih deng in a sungkhan.
Khabib cu a lunglawmhnak mitthli he aa ciah. Voidang ah Khabib nih mi a tei ahhin tuzan bantukin a tap bal lo. Tuzan cu a bawk i biatak tein a tap ko. Atap tuknak ah a hoile hmanh nih an hnem kho lo. A biachimhnak ah this is my last fight tiah ka nulepa bia ka kamh ta hna tiah a chim
A kong lam theih deuh ding ah; Russian Nurmagomedov (kum 32) cu puai 29 puai aa thonghnak ah tuzan tiang a sung ballo caah 29-0 record a tial rih. Nain Justin Gaethje (kum 31) cu tuzan he puai 23 aa thonghnak ah tuzan a sunghmi he puai 3 a sung cang tinak a si ve.
Leave a Reply