Khah!,,,, Covid-19 In Him Na Duh Ahcun ( By- Dr. Aung Myint Thang)

Pakhatnak; Minung na hmuhmi vialte kha “zawtnaak a ngei kho” timi mit in na zoh dih hna lai i pe riat dan hrimhrim in na chawh hna lai. Mask nai bunh ahcun a him chinchin rih. Naih tein chawnhbiak a hmangmi pawl kha ton ti lo vai zuam.

Pa hnih nak; Mi nih an kut in an tongh ciami thil vialte ah khan zawtnak hrik an um kho men timi ruahnaak kha va ngei zungzal law, cucu na tongh ve sual ahcun second 20 chung sapiat in na kut i ttawl zungzal. Kut-tawlnaak a rem lo ahcun hand-gel, sanitizer in na kut nai ttawl a hau. Nai ken khawh lo ahcun na kut khan na hmai kha nai ttawl hlan tiang tongh bak ti lo ding asi.

Pa thumnak; Nan inn ah innpa hngakchia a len in i len ter hna hlah. USA ahcun hngakchia hi “super spreader” tiah an ti hna hi virus a karh ter cemtu an si an ti hna. Cucu asi ko. Zeidang thil har ngaingai khi a um lem lo. Hihi zulh khawh ahcun zei oxygen kong buai a hau ti hnga lo. Bawipa nih himnak in pe cio ko hna seh.

Thawng pang dang relchap;  KawlinKahdohnak Ah Kawlin Peng Myonehmu Le Rallokap Lei In Rengsang Minung Pahnih Tel In Minung 30 Hrawng An Thi Sagaing ramthen Kawlin peng Titsinghkung ah KIA brigade 8 le KLPDF hna i fonhbin ralhrang phu hna cu tuzing suimilam 10 in an kah hna tiah theih asi. Ralhrang phu hna cu Sagaing in Kachin ramkulh lei ah hriam phormi mawtaw hna an venhna nak security an lak piak hna lio ah KIA le PDF nih an kah hna.

Cu kahdohnak ahcun ralhrang rallokap phu in Kawlin myonehmu ,Khah-Lah-Yiah(111) in rengsang pakhat,Khah-Lah-Yiah(120)in rengsang pakhat le rallokap minung 30 hrawng an thi cun, hliam tuar an tam tiah theih asi. Ralhrang mawtaw zong Kawlin lonh ah KIA le PDF nih an kah hna caah mawtaw 3 khangh in a rawk tiah theih asi.

Ralhrang lei in, hliamtuar le a thimi an tam caah ,Kawlin khuachung ah hriamngan in an kah hna caah mipi lei in minung 2 hliam an tuar, inn rawk mi zong a um len. Nihin nikhat chungah Kawlin pawnghrawng ah KIA,PDF fonh in ralhrang hna he kahdohnak voithum a chuak.crd-the hakha post.

Leave a Reply

Your email address will not be published.