By-Van Bik Sawmhal: A si taktak sual hnga maw?, Mah (Mai JJ Nuu) timi nu nihhin CNA le CDF cawlcangh ning vialte ralhrang sinah a phuan dih tiin a facebook account tar in an ṭialmi ka hmu len, cucaah amah a facebook cu ka zoh ve tikah mahbantuk minung si ding cun a dawh lo ngai fawn,
A si taktak sual ahcun atu bantuk caan ahhin cun ralhrang nak hmanh in an dalan pawl hi ṭih an nun deuh tuk caah ṭha tein nun chimh le cawnpiak zawkzawk a herh ngai mi a si. Leirawitu an um lengmang le thawngphuangtu dalan an um lengmang ko ahcun kan fa ka naule ṭhaṭha nih an zeizawng pekin le thisen le nunnak tiang pekin an doh cuahmah mi.
Kan ral hi anmah ruangah kan tei kho lo sual hi phang a um ngai, atu hi Mandalay ah a zam an ti i a si khawh chungin a hnu dawi hau dawh a si. Nan facebook zong ah tar cio ulaw a si sual ahcun a ṭuanmi dalan rian hi ngawl zawkzawk seh! A si lo hram ahcun a si lo nak zong mipi sinah thanhnak tuah sehlaw a ṭha hnga.
A tang ah tulio ralhrang an sual ning kong thawng pang hi rak relchap: Mantung ah Ralhrangbu nih Paa a kawlmi Nu 2 an Tlaihhrem, June 14 ah khan Shan ram chaklei Mantung pengah Kachin Lisu nu 2 cu Paa an kawlnak ah ralhrangbu nih an tlaihhrem hna.
Meh a kawl mi nu hna hi kum 26 le kum 20 mi an si. Ralhrangbu hi minung pa zeizat an si, zei tatyin dah an si cu kan thei lo. Nu 2 hna hi an himnak hmunah kan chiah hna tiah khuami pakhat nih a chim. Kan hnu June 10 zongah phungki inn ah umhmun a khuar mi ralhrangbu pakhat nih kum 13 lawng a si rih mi phungki nu pakhat cu a tlaihhrem ve.Crd-the chin post.
Leave a Reply