Nihin (July 30) zinglei sml. 9:00 ah Hakha SAC nih Tuluk ser COVID-19 runvennak sichunhnak an tuah, tiah thawng kan theih. Sichunhnak cu Hakha City Hall ah an tuah i, SAC ralkap sibawite, Hakha sizung ngandamnak rianttuantu hna le Chin ramkulh ngandamnak zung lei nih SAC kut tang zung rianttuan pawl sii an chunh hna.
July 29 ah SAC nih Hakha ah minung 273 sii an chunh hna i, nihin ah minung 191 an chunh chap hna. Thantlang TBC zong ah minung 144 nihin ah COVID-19 runvennak sii SAC nih an chun hna, tiah kan theih. [Updated] Hakha SAC nih an chunhmi hna COVID-19 khamnak sii hi “Sinopharm’s Beijing Institute of Biological Products” nih a serchuahmi a si.crd-The Chin Journal.
Ca dang relchap; NUG le PDF A Rauh Hlanah An Rawk Lai- Man Nyein Maung Ralhrangbu nih nawlngeihnak a lak hnu ah ralhrangbu he a kom mi Man Nyein Maung nih National Unity Government (NUG) le People’s Defence Force (PDF) hna cu a rauh hlan ah an rawk te ko lai tiah July 30 ah a chim.
Ramkhel nawlngeihnak, Pumpak nawlngeihnak a umlo mi minung hna nih an dirh mi CRPH, NUG, PDF hna cu nawlngeihnak ngah ding hleiin ramkhel timhnak zong an ngei lo, ramkhel kalphung zong an ngei lo. Mah bantuk bu cu can a rauh hlan ah an i thenthek dih ko lai ti cu thlalang bantukin a fiang mi thil a si tiah Man Nyein Maung nih a mah social media cahmai ah a tial.
Spring revolution dohthlennak chung ralhrangbu a doh mi generation Z (G-Z) hna zong forh a ziak mi pawl tiah a soi hna. Man Nyein Maung hi KNU in a chuah hnu ah 2020 rampi thimnakah a cuh ve mi a si. Ralhrangbu nih uknak a lak hnu ah State Administration Council chungtel ah a tel mi a si caah Karen Mino bu nih; Mipi zawnruahnak fangkhat hmanh a ngeilo mi ralhrangbu he rian a tuan ti mi tiin Karen mino hna nih miphun mirawitu ah an thanh cang bantukin US cozah zong nih dan a tat cang mi a si.Crd- the chin post.
Leave a Reply