Tukum FIFA World Cup cu ka ca ah kumdang bantuk si lo, aa phundang ngai. Aruang cu ka ca ah a donghnak World Cup kaa chuih a si. Ka chunmang le ka saduhthah a tlin khawhnak lai biatak tein kaa zuam lai”( Leo Messi) crd-CCN. Thawng dang relchap- PDF Nu Ralkap Nih Pakokku No.14, Sang Khuabawi An Fimhlawm, Magway ramṭhen, Pakokku no.14 sang khuabawi cu PDF nu ralkap nih an fimhlawm tiah Earthquake People’s Defence Force nih cathanh an chuah.
SAC ralkap kuttang ah rianṭuan in mipi cung ah phunkip in hremnak a tuahtu no.14 sang khuabawi U Myint Thein cu nihin November 22, zinglei suimilam 7:30 hrawng ah fimhlawm a tong tiah an thanhmi ah cun an langhter. Amah cu SAC ralkap hna he a tangti mi a si hleiah sangchung mipi hna cung ah phunkip in hremnak a tuahnak kong cu tet-te he phuannak a um caah kan fimhlawmnak hi a si” tiah Earthquake People’s Defence Force in Ko Pein nih a chim.
SAC ralkap kuttang rianṭuantu khuabawi cu a umnak inn lila ah tualchung hriamtlai nu ralkap hna nih an luhhnawh i meithal in voi thum an kah hnuah a thih hi a si. SAC ralkap kuttang rianṭuannak in chuah ding ah voi tampi cathanh chuah a si cang na in, cu nawl chuahnak zul duh loin a ummi rih mi zong hmailei ah hmalaknak tuahding a um rih tiah theihternak an tuah chih tiah theih a si.
Ca dang- Zii pyia sakhan thilri a chaan tu SAC ralkap kahdoh an tong , Magway ramthen , Pauk peng, Zii pyia khua I SAC sakhan ah thilri a chaantu SAC ralkap hna cu November 20 zaanlei suimilam 2 : 00 pm hrawng ah Myaing PDF le an tantii hawi hna nih an doh hna tiah theih a si . ChaungOo khua in a rak rami SAC kee ralkap minung 70 hrawng cu bomb an puah hnawh hna I minung tampi an i hliam nak kong Myaing PDF nih cun an thanh .
An mah lei a hliam mi an tam , Hi SAC ralhrang phu hna hi Gyun khua a khang tu an si i inn 13 hrawng an khangh tiah theih a si , chun zong ah hriamngan an kah caah khuami hna cu himnak fuk in an zaam hna , Sac lei in a thimi an tam tiah Myaing PDF nih an chim . PDF nih bomb puahhnawh an si hnu ah kahchap an si caah minung 6 an thi , minung 9 leng hliam an si nak a si tiah an thanh. Myaing PDF nih a luancia November 18 ah khan SAC ralkap cu an rak doh cang hna i minung 7 an rak thih bal nak theih a si. video cu a tang cem ah kan chiah.
Leave a Reply