Khah! Mawtor 8 Cu Pasaltha Hna Nih Bomb In An Phomh Hna + Video

June 17 zing lei suimilam 11: 20 hrangah Sagaing ram kulh Chaung-U peng Myinmu khua lei ah a rak ra mi ralhrang mawtor 8 cu pasaltha hna nih bomb in an phomh hna caah ralhrang 4 an thi tiah video he an langter. Mah a link hi /khitthitnews/videos/ hmeh piak law video na ozh khawh lai. Thawng dang: North Korea ah a min hngalh lomi chungril lei zawtnak cu kan buaipi cuahmah lio tiah nawlngeitu hna nih June 16 ah an thanh.

Cu zawtnak a ngeitu hna cu anmah dang tein kan chiah hna nain ṭha tein dothlatnak tuah ding in North Korea hruaitu Kim Jong Un nih nawl a chuah, tiah KANA nih a langhter. Zawtnak a ngeitu hna cu bawmhnak pek ding in Hiju khuapi ah June 15 ah khan sii-ai hna cu an kuat dih cang i, hi zawtnak hi Typhoid asiloah Cholera a si kho, tiah thiamsang hna nih cun an ruah.

Ramchung minung a nuai(million) in an zaw ti in thanh a si hnu ah May thla chung ah khan emergency in thawng thanhnak zong an ngei cang i, a zawmi hna hi covid-19 zawtnak zong an ngei chih tiah zumh a si. A chuak cuahmahmi zawtnak ngeitu milu zat le zeitin dah zawtnak a hramthawhnak a si timi cu fiang tein an langhter lo nain chungril lei zawtnak a si, tiah ṭuanvo ngeitu nih an chim.

Thawng dang: Russia thantar a cuangmi tilawng pahnih nih a liamcia thla ah khan Ukraine ah an laak ciami facang hna cu i phorh in, Syria ah an kalpi tiah US Satellite Company Maxar nih June 16 ah an langhter. Maxar hmanthlak ning in Russia thantar thlirtu tilawng pahnih hna nih cun May thla chung ah khan Russia nih a control-nak Crimean Seaport-Seavastopol ah facang an phorh tiah a langhter.

Maxar Satellite nih Syria ah a phanmi Russia tilawng dang hmanthlak hna zong a khawmhsuat i, cu facang hna cu pehzulh in phorh ṭhan ding in motor tampi cu artlang in an dir, tiah a langhter chih. Russia le Ukraine ramhnih cu vawlei cung ramdang sinah 29% in facang zuartu an si i, Russia ralkap hna nih an laakmi hmunram chung in an fir, tiah Ukraine nih Russia cu sual a phawt.

Russia nih an laakmi Ukraine hmunram chung in facang tones sing 6 tluk cu an kan firpiak i, cu chung in cheukhat cu Syria ah an kalpi, tiah Ukraine ramchung cinthlaknak lei ṭuanvo ngeitu lutlaibik bawmtu nih June 8 ah khan a chim. Ukraine cu vawlei cung ramdang ah facang tambik a zuartu ram pakhat a si i, Russia nih Ukraine seaport vialte a phih dihmi hi vawlei cung ram dihlak ah mangṭam tlunter a duh caah a si, tiah nitlaklei ram hna nih an mawhchiat. crd- the chin post

Leave a Reply

Your email address will not be published.