Khah! Pasaltha Hna Nih Raltuk Cawnglio Mi Ralhrang An Phomh Hna + Video

Ayardaw Peng Chungum Ahmat (10) Raltuk Ningcang Cawnnak Cu Hriamngan In Kah An Tong! Sagaing ramthen chungum Ayardaw peng chung, ralhrang ralkap nih an tuahmi ahmat (10) raltuk ningcang cawnnak phu cu tuzing January 12 zinglei caan ah hriamtlai phu (8) i fonhin lamhlat a kap khomi hriamngan hmangin vawi (4) bak an kah tiah thawng theih a si. Cu bantuk raltuk ningcang cawnnak phu a kahdohtu hna cu:

Pyauh Kyar phu, Ayardaw Bone Naing PDF, (A.B.N. PDF) hna i hruainak in Knigfts Of The Red Land (KORL) Pyauh Kyar phu, Ayardaw Felcon Force (AF2), Pa Ta Myia Ngi Naung Pyauh Kyar Phu M.R.T.F phu, The Guys Of Burma Revolution Force (GBRF), Zultu Pyauh Kyar phu (Apostle) hna phu (8) nih i fonhin an kahmi a si tiah theih a si.

Cuka an tuahmi raltuk ningcang cawnnak ahcun raldoh ningcang an cawnpiak hna caah mipi nih an temh tuar bangin rak temh tuar hna seh timi duhsaknak in atu bantukin kan kahdoh hna nak a si tiah pyauh kyar phu i tuanvo ngeitu pakhat nih a chim. SAC ralhrang ralkap nih cun anmah lei an thazaang a detthawm ngaingai cang caah pension a la ciami hna siseh Buesawtyi hna siseh an nupile hna tiangin auh hratin raltuk ningcang an cawnpiak hna.

An thazaang i chap than an duhmi a si ko lai caah kannih pyauh kyar hriamtlai phu hna nih kan mipi hna nih an temh tuar ning bangin anmah nunnak le an ngeihmi inn hna zong a him bak lo timi thei hna seh’ tiah a chim. Kahdohnak ruangah a thimi le hliam tuarmi zat hi theihfian a si rih lo i, pyauh kyar in kahdohnak a tuahtu mipi vengtu hna phu (8) leiah hliam tuarmi umloin an i zukphiak kho tiah theih a si.crd-the fedefal times. Note-mah hi /videos/644 hmeh law a video na zoh khawh lai

Ca dang relchap; Ralhrang nih Jet pathum in Sagaing chaklei ram, Kathar peng, Moetargyi khua cu nihin January 12, suimilam 12:49 ah bomb voi 12 an thlakhnawh hna. Khuachung inn 6 le phungki umnak inn pakhat an rawk, a tlawmbik minung 5 tal hliamhma an pu, tiah theih a si. Ralhrang nih bomb an thlakhnawh ruangah Moetargyi khua inn 6 le phungki umnak inn pakhat a rawk, khuami 5 nak tlawmlo hliamhma an pu.

A thi mi an um le um lo theih a si rih lo, hlathlainak kan tuah lio a si tiah Kathar-PDF nih ca an chuah. A rawk mi le hliamhma a pu ko nain kan theih rih lo mi an um kho rih. Cazin kan laak lio a si. Hliamhma a pu mi le a zaam mi mipi zong a himnak hmun ah kan chiah hna lio a si. Ngakchia zong hliamhma a pu mi an um tiah Kathar-PDF nih an thanh.

Kathar peng, Moetargyi khua le Moetarlay khua pawng ah 2021 November thla chung kahdohnak a tam i November 9 lio kahdohnak ah ralhrang 40 hrawng an thi, tiah PDF nih ca an rak chuah. 2021 May 31 lio zong ah ralhrang nih Moetargyi khua cu vanlawng in voikhat bomb an rak thlak bal cang. crd-the chin post.

Leave a Reply

Your email address will not be published.