Sagaing Ramthen Tantse (Tangse) khua ah Palek sin ah thawng petu tiin ruah mi U Thein Swe Aung le a nupi Ma Chaw Su cu an inn ah phu pakhat nih meithal in an kah hna i an pa cu a thi.crd-the hakha times.
Tanhse ah ralkap council hriamtlai tapung pawl thangpang a pe tawntu dalan nuva hna cu meithal kah an tonng i a pasal cu a nunnak a liam cang tiah theih a si. Dalan a si ko ti theihmi pawl cu hi bantukin tuah thluahmah ding an si ko.
Thil sining cu nihin May 23 ni, zinglei suimilam 8:15am hrawng ah Sagaing ramthen, Tanhse myo, Mahar Myiang sang ah a ummi ralkap council hriamtlai tapung pawl thwngpang a petu dalan, Pyo-saw-hti phu chungtel U Thein Swe Aung @ Maung Soe le Ma Chaw Su te nupa hna cu meithal kap an tong i, U Thein Swe Aung @ Maung Soe cu a nunnak a liam tiah theih a si. KTM nih a tarlangh.
U Thein Swe Aun @ Maung Soe cu cu hlan ah thing firtu pawl kong palek sin a chim phuan tawntu pakhat a si i atu ah ralkap council hriamtlai tapung phu caah dalan a tuan thanmi a si tiah khuaami chimhnak in theih a si. U Thein Swe Aun cu Ye-oo siizung ah a nunnak a liam i a nupi cu sii aa thlawp lio tiah theih a si. Ref: KTM
Thawng pang dang relchap duh mi caah relchap ding a um rih: Shan ramkulh le Kaya ramkulh ramri ah a ummi Moebe khua i SAC ralhrang palik sakhaan cu mipi runvengtu ralkap PDF le tlangcungmi hriamtlai bu i bawm in nihin ah an lak i SAC ralhrang 4 a nung in an tlaih hna.
Ralhriam pawl zong an lak khawh. SAC ralhrang 14 an thi i PDF lei in minung 2 hliamhma an pu hna, tiah thawngpang an chuah. Nizan ah Kaya ramkulh, Di-maw-seo khua i ralhrang security checkpoint pakhat zong PDF le Free Burma Ranger nih an lak i mei in an khangh.crd- The Chin Journal.
Leave a Reply