By-salai tlungthli tum: Anih khi kan miphun caah tihnung virus a si tiah a tuahsernak tuanbia zoh in tam ngai ka rak tial. A dikmi ka tial ko nain phuntanh ai timi pawl nih cun thah nan rak ka timh. Live interview ah fawi tuk in an hlen khawh hna caah nan hei uar tuk ning kha.
Hakha le Thantlang a rak tlung i congnak puan he Jesuh don bantuk in nan rak don kha mu, amah he hmanthlak ti nan hei uar ning kha. Atu cu kum khat hmanh tling rih lo, ka chim cia bang a tial taktak a chuak than cang. Tuhnu thimnak ai cuh than tik zong ah vei pawl khi cu fawi tein an hleng than khawh rih ko hna lai dah.
Rel chap: SAC Ralhrang UEC Tonnak ah Pu No Than Kap amah Nawl in a Kai, Nihin May 21 ah SAC ralhrang sermi thimnak kong tawlreltu UEC tonpumhnak ah CNLD ruahnak petu Pu No Than Kap cu party aiawh si loin amah nawl in a kai, tiah CNLD Chairman Pu David Ngai Sak nih a chim.
Tonnak ah kan kai lai lo tiin ca zong in kan kuat ko hna. Zei ruang ah dah a kai hnga. Kanmah zong nih kan thei lo. Mah kong hi kan hlat lio a si i CNLD nih phungning in cathanh zong kan chuah te lai,” tiah Pu David Ngai Sak nih a chim.
Naite ah CNLD hruaitu lei thlennak an tuah i, Pu David Ngai Sak cu Chairman ah an thim. Cun, General Secretary ah Salai Ceu Bik Thawng an thim. Ahlan i Chairman a rak ttuan ttimi hna Pu No Than Kap le Pu Zo Zam cu ruahnak petu rian an khinh hna.
Ralhrang UEC tonpumhnak ah a kaimi kong he pehtlai in Pu No Than Kap nih, “CNLD in chuahnak ca March 31, 2021 ah ka rak ttial cang nain atulio thil sining ruang ah party EC chungtel zapi nih ka ca an hmu dih rih lo caah kei zong nih ka post ve rih lo.
Rian dang kong ah Naypyidaw ka phak liote a si caah hawikom pawl damdam vung tlaih pah in UEC ah kan phan. Asinain, CNLD aiawh in ka kalmi a si lo,” tiah fianternak a ttial.Crd-The Chin Journal.
Leave a Reply