Khah, chin/lai mi nih media ngan pakhat kan I ngai ve mi the chin post nih, June 14, tuzan ah vanlawng kahnak cawknak kong he peh tleih in tuanvo ngei tu upa hna cu biaruahnak a ngei cang hna lai, a nii le caan cu a tang lei lang ter ning ban tuk in hin a si lai, tlolh lo tein rak zoh cio i zuam uh.
June 14, tuzan ah vanlawng kahnak cawknak kongah tuanvo ngei upa hna he biaruahnak kan ngei lai. US Central Times in 8:00 PM, Eastern Times in 9:00 PM! Myanmar caan in 7:30 am, June 15 ah si lai. Tlolh lo tein rak kan leng cio dingah kan in sawm hna.Crd-the chin post.
Thawng pang dang relchap; Delhi Chinmi Pawl COVID-19 Runvennak Sii An I Chun Kho Cang, India ram ah COVID-19 a voi hnihnak a chuak i a voi khatnak lio zawtnak a chuahmi nakin atutan a voi hnihnak hi a fak deuh i, Delhi khuasa Chinmi hna chung zong in mithi le mizaw an rak um. India rammi sinak (ID) a ngei lomi COVID-19 runvennak sii chunh khawh a si lo tik ah Chinmi pawl lungrethei in an rak um hna.
Sihmanhselaw, June 14 thawk in UNHRC le India cozah tawlrelnak in Chin ralzam pawl COVID-19 runvennak sii chunh hram an thawk hna. Delhi ah CHRC Coordinator a simi Salai Cung Dawt nih, “COVID-19 zawtnak a zual tuk caah sizung tiang nih a tlum hna lo. Oxygen zong nih a zat hna lo. Chin ralzam chung in a zawmi kan um pah ve tik ah kan lungre a thei.
CRC President nih NGOs, Nuhrin Covo bu le Media pawl sin ah COVID-19 Vaccine kan herhnak kong a chim lengmang. Cun, kan si khawh tawk in India upa pawl kan pehtlaih hna. Cu lio ah cun, atu bantuk in UNHRC le India cozah nih alak tein Chin ralzam pawl siichunhnak an tuah tik ah kan hnga a ngam deuh ngaingai,” tiah a chim.
Nihin ah kum 45 cung pawl an chunh hna i thaizing ah kum 18-45 karlak pawl chunh a si lai. COVID-19 zawtnak in a zaw balmi hna cu an dam hnu thla 3 ah chunh an si te lai.Crd-The Chin Journal.
Leave a Reply