Khah!,,Falam Peng Pastor Pawl Nih SAC Tangka Pekmi An Khirh Than

SAC ralkap nih Falam Peng Biaknak riantuan pastor pawl 2021 September 5 i an pekmi hma tangka Ks. 18,000 cu an cohlan hna hnu 2021 September 6 ah an khirh than hna tiah kan theih. Hi kong he pehtlai in Pastor pakhat nih, “SAC lei nih meeting phun in an kan auh i kan kal. Kan va kal tik cu tangka an kan pek.

Cohlan lo awk le an tha lo a hmun ah khirh than le a rem tuk lo ca ah cohlan cu kan cohlan hna cawk. Tangka an kan pekmi cung ah kan i lawm nain cohlan awk a tha lomi tangka a si ca ah kan cohlan phot. Atu cu kan khrih than dih cang hna,” tiah The Hakha Post ah a chim. Hi bawmhnak tangka hi SAC nih Chinram Pengkip ah pek an timh. 2021 September 5 ah Mindat zong an auh hna i an pek hna nain an cohlang hna lo.

Falam le Hakha tu hi an cohlan hna i atu bantuk in Falam cu an khirh than cang. Hakha i a cohlang tu Dr. Stephen Lian Hup Ling kan pehtlaih nain kan pehtlai kho lo. Photo/September 5 i Falam pastor hna nih an cohlan lio hmanthlak,crd-the hakha post.

Ca dang relchap; Ralhrang Pawl Nih CAMP VICTORIA Rumro Phomh An Timh Ko Cang! Kawl ralkap nih CNF umnak camp victoria lei ah an thazang an chap thluahmah cang hna.CNF hmumpi a simi Thantlang peng camp Victoria he ai naihnak meng 20 tluk hrawng lawng ai hlatnak Thantlang khuapi ah Kawl ralkap nih an thazang an chap thluahmah cang.

Kan hnu ah khan Thantlang ah Kawl ralkap 200 leng an phan. Nihin September 4,2021 ah Hakha in Thantlang ah Kawl ralkap ke in minung 80 hrawng Thantlang ah an kalchap. Thantlang khua chung ahhin Kawl ralkap a tlawm bik minung 300 cu an um cang tinak a si.Camp Victoria he ai naihnak hmunpi a si.

Thantlang ah CNF zung zong a umnak a si fawn. Cu caah Kawl ralkap nih CNF camp Victoria hi an van ngiar pah than cang timi a hung lang ngai. Credit: The Chin Info!,laknak-a cung hmanthlak ban tuk in a si.

Leave a Comment

Leave a Reply

Your email address will not be published. Required fields are marked *