Thawngpang tha. Good News, Hakha Palek Sakhaan in Palek 6 CDM an tuah than tiah The Hakha Times nih a langhter. Ralhrang nih uknak Feb ni 1 in an lak hnu ah Palik le Ralhrang pawl CDM a lutmi an karh ngai ngai. Hakha le Laitlang zong ah CDM lei thazaang a pemi an um pah lengmangmi hi good news thawng tha taktak si. Tutan CDM lutmi hna I an tleih mi an rian hna cu a tang I kan langter mi hmanthlak ban tuk in a si.
Thawng dang relchap; Mizoram Thingsai Khua Ah Chin Ralzaam Umnak Ca Ah Tiin Sangthar An Samh, Mizapi thimmi Myanmar ram uknak Min Aung Hlaing nih February 1 ah a laak hnu ram buainak ruang ah Mizoram Thingsai khua lei ah a zaam mi Chin ralzaam hna umnak ca ah tiin khuami nih sangthar an samhpiak hna tiah Thingsai khuami hna sin in thawng kan theih.
Min Aung Hlaing le a ralkap hna nih mizapi thimmi Cozah sin in uknak hramhram an laak hnu Mizoram Thingsai khua ah Chinmi a zaam mi hi minung 200 leeng an si. Ralzaam umnak ca ah sangthar an samhmi kong he pehtlai in Thingsai khua mi pakhat nih, “Ralzaam hna umnak ca ah tiin inn 10 kan sak cang. Inn kan saknak zong hi Thingsai khuachung sangthar samhmi chung ah a si.
Ralzaam hna chung ahhin CDM hi chungkhar in pathum an si. A dangtu hi cu tihphan ruang ah a rak zaam deuhmi an si,” tiah a chim. Ralzaam um nakding inn saknak ca ah tiin Member of Legislative Assembly, Mizo Zirlai Pawl,Young Mizo Association,Mizo Hmeichhe Insuihkhawm hna nih a cungcih cawknak le ralzaam eidin tuktak an tawlrel i khuapi nih thing le mau pawl an tawlrel ve tiah theih a si.
Cun, ralzaam hna umnak kong ahhin Village Council lei nih tuanvo an laak tiah kan theih. Cun, “Atu ralzaam umnak sangthar samh mi hi Electric mei zong lam zong tha tein tuahpiak dih an si. Camp i a ummi poh hi Electric mei zong free in an hmang kho lai. Ralzaam ca ah tiin bawmhnak an pekmi hi tangka in siseh mehhang in siseh a dangdang zong in mizapi nih an pek cio hna,” tiah a cunglei khuami nih a chimchap.
Myanmar ram a buai hnu Mizoram lei a zaam mi ralzaam ngakchia hna zong a rauh hlan ah sianginn kaiter ding in Mizoram Cozah nih timhlamhnak a ngei cuahmah tiah kan theih. Crd- the hakha post.
Leave a Reply