Nizaan July 24 zaan suimilam 11 hrawngah Matupi in Mindat lei ah ke in a thawhmi ralhrang rallokap 57 le Mindat-Matupi a bawmmi Chinland Defense Force hna kar ah i kahnak a chuak tiah thawngtheih a si. I kahnak ah CDF lei in pahnih an nunnak a liam i ralhrang rallokap lei in a tlawmbik 8 hrawng an thi tiah The Matupi Times nih a tial.crd-the chin post.
Thawng dang relchap; India Tilianh Ruangah Minung 100 Leng An Thi Minung Tampi An Tlau India ram nitlak lei Mahar Shatra ramkulh ah ruah faktuk in a sur caah vawlei cim in tilianh nak a chuah caah minung 110 nak tlawm lo an nunnak a liam.
Ramkulh chungah khuafa tampi hna cu ruah a fahtuk hnu ah an umnak inn cu tidil in le ti nih a phum caah khuami hna cu a himnak hmun ah an i thial. Mi bawmtu hna nih nundam in a um mi harnak a tong mi hna cu bawmhding ah fak pin an i zuam nain minung tampi a tlau mi an um. India ralkap cu midang bawmhding ah fak pin rian an tuan i,dirhmun harnak tam pi ruang ah an rian zong hnahnawh nak a pek.
Vawlei cimh,tilianh ruangah nunnak liam mi tamdeuh cu ramkulh chung in ramthen pahnih ah an si tiah India ram nawlngei tu hna nih July 23 ah an chim. Mahar Shatra ramkulh ah July thlachung ah a sur mi ruah hi kumhra chung ah a fak bik a si tiah an langhter.Tilianh ruang ah harnak tong mi hmun ah bawmhding in emergency tonbiaruahnak cu ramkulh minister nih a auh.
Nunnak a liam mi kong ah kan ngaihchia i an tuar ve nak kong le tilianh ruangah harnak tong mi hna cu bawmhnak kan pek hna lai tiah prime minister Moe Di nih a chim.crd-the chin post.
Leave a Reply