Chin ram ralhrang tuanvo ngeitu bik a tlai kho US Dollar thonghra pek an si lai, Chin ram a phanmi ralhrang le palek, SAC ralhrang MAH hmanrua a si mi Chin ram ah phan in Chin miphun cungah ningcang lo tlaihkhih,namneh,thahnawn,inn lo kah,mei khangh,ralhrang 400 leng an thi,600 leng Lai meithal in hliam an si.
A tang minung hna hi kan herh hna, Myo Htut Hlaing (second commander, North Western Command. Brigadier rank) Han Win Aung (Chin state minister, border and security ministry, Colonel rank), A tlai kho mi hna cu laksawng ah America dollar thonghra pek nan si lai.Tlaih le cangka in CDF/CNA sinah thawngthanh i a rannak in America Dollar thonghra pek nan si lai.crd-the chin post.
Ca dang relchap; Kawlram chungah a luancia August thlachung ah puahkehnak a chuak mi dihlak hi voi 134 tiang a cang, cu puahkehnak chung ahcun nunnak liam mi dihlak hi minung 22 an si. BBC nih checkhlatnak an tuah mi chung le cazin an tuah mi ah nunnak a liammi hna tamdeuh cu, ralhrang phu chungtel an si,
Cun khuachung mipi lei zong in an si i, cozah riantuan pakhat le ralhrang sin thawngpe tu tiah ruahmi pakhat zong a tel. Puahkehnak a chuahnak hmun tamdeuh cu palik riahbuk le ralhrang nih mi checkhlat an tuahnak gate hna an si, cun ralhrang phu hna he pehtlai mi zung, sipin zung le sanguk tu zung hna an si.
Kawlram chung puahkeh a chuahnak hmun chungah Yangon khuachung in voi 50 leng tiang puahkehnak tambik a chuahnak hmun a si. Cun a pahnih nak ah Magway ramthen hi a si.Cun puahkehnak tambik a chuahnak ramthen cu Sagaing ramthen le Mandalay ramthen hna an si.
Cun a luancia thla chungah ramchung nam in thah/nawn nak le meithal kahnak in nunnak liammi dihlak hi minung 120 hrawng an si. Cu chungah cun ralhrang phu chungtel hna le, khuachung upa hna le, USDP party chungtel hna, ralhrang sin ah thawngzamh tiah ruahmi hna le khuachung mi hna an i tel.crd-the chin post.
Leave a Reply