Khine Hnin Wai Nih A Tlangval Ngei Nak Kong A Chim

Lemcang thiam Khine Hnin Wai cu lemcang thiam lei ah minthang pakhat zong asi i miharsa bawmh tu zong asi. Lemcang thiam Khine Hnin Wai cu miharsa cung ah dawtnak a ngei mi asi caah mipi zong nih an uar taktak mi le thazaang an pek taktak mi minthang pakhat asi. A nih cu miharsa long si lo in nu le pa ngei lo ngaktah le an nu le pa nih an hlawnh mi ngakchia hna cu a cawm tu zong asi.

Tu lio zawtnak ruangah eidin harsa nak a tong mi hna caah zong ah bawmhnak zong a pek hna. Mi harsa cung ah dawtnak a ngei taktak mi mintami Khine Hnin Wai nih a tlangval pa kong le pasal ah a duh mi kong cu duwun media nih bia halnak an tuah nak ah mah ti hin achim.

Kei cu ngakchia tam pi in a cawm mi le miharsa hna a bawmh peng mi ka si caah ka fa lei hna a ka dawh piak kho tu le ka rian ah thei thiamnak a ka ngei piak kho tu ding long ka duh hna. Cun tu ka tlangval pa he hin nuamte in caan kan hmang ti rian zong kan tuan ti nuam te in kan tlawnlen ti lio asi tiah a chim.

Mintami Khine Hnin Wai cu nai te zong ah khan hlaing tha yar myo ne ah a um mi hna kum upa le chungkhar ah hnachet an um nak inn hna cu bawmhnak a pek than hna.