Khrih He U Nau Si Hnu Cun

Laimi nih gospel hlasa thiam lei in kan i bochan taktak mi le kan uar taktak mi, Singer Naomi Par Tha Sung nih siahernak he a fb ah a van tar lang mi hi rak rel cio uh a tha kho taktak. By Singer Naomi Par Tha Sung : Khrih he u nau si hnu cun Palh zongah,Palh lo zongah ka palh ti nak nun ngeih a herh.

Khrih he u nau si hnu cun mi cah that nak kan tuah khawh lo hmanh ah mi cah that lo nak kan tuah lo a hau.Khrih he u nau si hnu cun mi cah thluachuah phurh tu kan si lo hmanh ah mi cah thluachuah phit tu kan si lo a hau.Khrih he u nau si hnu cun Minung hmaiah thiam co i teitu si nak co nak in Pathian hmai i thiam co i tei tu nun ngeih kha kan duh awk a si.

Khrih he u nau si hnu cun kan calh bak lo mi le kan tuar khawh bak lo mi a kan serhsat i zei a kan rel lo mi hna ,kan ral caah thlacam a herh. Khrih he u nau si hnu cun minung nih zei rel lo mi si nak in Bawipa nih zei rel lo mi si hi tih a nung deuh. Thangchiat , soisel, zeirel lo nak ,na ton deuh deuh poh le Na caah thluachuah atam deuh deuh ti kha va philh hlah.

Vulei cungah tih ding zei hmanh a um lo Na cungah Bawipa a lawm sual lai lo ti lawng ,tih ding le phan ding a um. Na cungah Bawipa a lawm ah cun a ho hmanh nih an in do kho lai lo Bawipa nih an ven zungzal lai.

Leave a Comment

Leave a Reply

Your email address will not be published. Required fields are marked *