Shwe Yupar Oo he hmanthlak aa thlak timi ralkap 3 An Thi Than, Mintami Shwe Yupar Oo nih hman a thlak tti mi pawl hi an thi lengmang rua. Kan hnulei ah bogyi a thimi pawl hmanthlak a tar i, tutan zong Kachin ram ah a thimi pawl hmanthlak a van tar than. A tial chihmi cu, “Tatkyatgyi Than Aung, Tatthar Myo Zaw le Tatthar Tun Oo, ka tale hna Shwe nih tha tein iralrin uh tiah bia kan cah ko hna.
Kachin ramkulh Shweku myo ah ei din ding a phurmi tilawngpi cu KIA KIO phu le PDF phu fonh nih an kah ruangah a thimi Tatkyatgyi, Tatthar hna, Shwe nih upatnak kan pek hna” tiah Mintami Shwe Yupar Oo nih a timeline ah a tial hi a si. Photos: Shwe Yupar Oo.crd-chinland news agency.
Ca dang relchap; SAC nih Hakha Pastor hna sin pekmi tangka an khirh than hna, SAC kuttang a ummi Hakha Penguk Zung nih Hakha Pastor minung 261 ca ah tiin bawmhnak tangka an pekmi hna cu 2021 September 6 SAC hna sin ah an khirh than hna tiah thawng kan theih.
2021 September 3 ahkhan SAC lei nih Hakha Pastor minung 261 sin ah bawmhnak hi an pek hna a si. Tangka pekmi zong hi COVID-19 runvennak ca ah hman dih ding in ti a si nain, Pastor hna nih an duh lo ca ah atu bantuk in an khirh hi a si.
Hi kong he pehtlai in Hakha khuachung Pastor pakhat nih, “Mipi caah a thabik kan i zuam ko lai i hmai lei ah ralkap lungtlin hi kan i zuamlo nain thil zei kan tuah hmanh ah an lungtlin ve ahau caah Oxygen plant kong ex-ray kong ah an mah lungtlin pinak in tluang tein aphan kho i gate ah harnak aum lo.
Mizapi caah SHS no. 3 le Carson hall zong sii-inn ah hon khawh a si nak zong anmah he tha tein biaruah hnu ah achuak kho mi asi. Hmai lei ah ralzamnak IDPs hna chuak usih law himnak kongah anmah he ruah ti hau ding asi rih caah kan duh nalo tein zapi zawnruat in kan i zuam rih ko lai mawhphurhnak um le hruaitu cungah chia ko ulaw mizapi caah tlamtlingnak aum le cucu kan ti khawh tawk siko tikha chim ka duh,” tiah The Hakha Post ah a chim.
SAC nih biaknak lei Pastor hna sin ah tangka an peknak hi Falam, Hakha le Matupi ah a si cang i Falam Hakha hi cu an cohlan hnu ah an khirh than. Matupi belte hi cu a hramthok tein an cohlang lo. Thantlang zong TABC sin ah pekchanhnak an ngei i COVID-19 runvennak ca ah an hman tiah kan theih.Photo/ Hakha i SAC pekmi tangka an khirh than lio.crd-the hakha post.
Leave a Reply