Salai Lungthli Tum nih tu lio a khualtlawnnak kong he pehtlaih in ca tampi in a tial. A hnubik a tialmi cu a khualtlawnnak ah khuami nih an dawt ning an tanpi ning le an sawmthannak le full support a si cang i a herhmi mee zat nak in tamdeuh a hmuh cangnak kong cu a tanglei bantukin a tial.
“Khuate kan kalnak kip ah khuami nih an kan tanpi, mifir pawl thawl ding an lung tling dih, pastor tiang nih mitthli he thla an kan cam piak lengmang. Kan i lawm hringhran.”
“USDP thawn biknak Congthia khuabawi hmanh nih voi hnihnak rat than ding ah bia a kan cah cang. Teinak hmuh ding ah mee 4,000 hrawng lawng a herh nain mee 6,000 leng kan ngei cang, Pathian thawng a si. Mee 8,000 tiang hmuh ding ah dinh caan ngei loin kan i zuam cuahmah rih ko.”
Cu hnuah a khualtlawnnak ah CNLD campaigners pawl nih funkomh (Coalition) cozah sernak kong an chimhmi kong zong a tial chih. Coalition cozah sernak lam a tlawmtuk timi an thei lo tiah a tanglei bantukin CNLD campaigners pawl a soisel than hna.
“Pu No tapeh CNLD phu nih khuate kip bia an chimnak ah USDP or NLD he coalition (funkomh) cozah kan ser ti lai an ti. Nain presidential system a hmangmi ram ah cun cozah sernak ah majority (50% cung) a herh lo i plurality (tam bik sinak) lawng a herh caah coalition cozah sernak lam a tlawm tuk hringhran timi an thei ti lo, an mak ngai.”
A tial rihmi cu tu lio a khualtlawnnak ah a hmuhmi lam kong a si. Zophei pengtlang chung lam a cawhtu mirum Pu Ram Cung le Pu Maung Maung hna cu nanmah paw ca lawng nan ruah peng rih ahcun nan min a chiat lai a ti hna i a tanglei bantukin a ti hna.
“Zophei ram chung ah Laimi kan mirum Pu Ram Cung le Pu Maung Maung nan lam cawh a chia tuk, nanmah paw ca lawng nan ruah peng rih ahcun minchiatnak nih an dawi colh hna lai.”
Salai LTT hi uar a umnak cu a lungtlinlomi kongah aho mithmai hmanh zoh loin a chim thluahmahmi hi a si. Cu pinah a tuah khawh lo dingmi a chimmi a tlawm in hmuh a si. Amah hi MP tling sehlaw tampi ram a thatter khomi a si. Vote cio uh.
Credit: Salai LTT
Leave a Reply