Khuate Pakhat Nih CDF Sunday An Tuah

Hmanthlak Thawng: Chin ramkulh khuate pakhat nih CDF Sunday an tuah i thingthei an hlutmi vialte sakhaan ah an kuat,  Thawng pang dang relchap-SAC lei thawnglatu minung 3 cu CDF-Matupi le CDF-Mara phufonh nih an tlaih hna, 2022, September 7 ni ah Chin tualchung hriamtlai phu simi CDF, Mara le,

CDF Matupi phufonh nih SAC leiin an thlah mi thawnglatu minung 3 an tlaih hna tiah theih a si. CDF, Mara battalion 1 ah a thli in a lut i thawng hlatnnak a tuahtu, SAC ralkap lei thawnglatu minung 3 hna nih CDF-Mara battalion 1 i an cycle 2 cu an fir piak hna. Cycle firtu ralkap 3 cu Matupi lei ah an zaam ti thawng an theih caah.

CDF, Mara nih CDF, Matupi sinah lamkham piak dingin an pehtlaih hna caah kaphnih i bawm in an tlaih khawh hna hi a si tiah theih a si. Kaphnih hriamtlai phu nih an tlaih mi SAC lei tang minung 3 cu an thilri an chekpiak hna tikah kutin hlonh khawh mi bomb pahnih an hmuh tiah tuanvo ngeitu sinin theih a si.crd-the chin post.

Thawng dang-Kahdohnak a hruaitu pawl thiam lo ruangah ralkap pawl a thimi an tam tiah General Min Aung Hliang nih a chim, SAC ralkap lei in a thimi an tamnak a ruang cu kahdohnak a hruaitu pawl thiam lo ruangah a si tiah SAC hruaitu General Min Aung Hliang nih a chim.

SAC hruaitu General Min Aung Hliang nih June thla chungah tuahmi a zarhlinak ralkap meeting ah a chimmi a si i cu meeting record cu CDM ralkap pawl nih an dirhmi Pyithupantai phu nih an langhter. 2022 January, February, March le April thla 4 le May thla chungah a chuakmi kahdohnak chungah SAC ralkap a thimi an tam tiah ralkap hruaitu nih a chim.

Cu bantuk in a thimi an tamnak thil sining kan zoh ṭhan a si ahcun kan ral thazang a ṭhawn chin ruang, ralkap thazang a der chin lengmang ruangah a si i kanmah ralkap thadernak (weakness) a um caah a si tiah SAC hruaitu nih a chim. Thilsinning a pakhatnak cu hmunhma pek dan a dik lo ruang,

A pahnihnak cu hmunhma kan zohfel dan a dik lo ruang le a pathumnak cu ralkap an funtom dan lih hrawkhrol in report an pek ruang le a donghnak bik cu raltuknak cawntermi an hman khawh lo ruangah a si tiah General Min Aung Hliang nih a chim. Mah nih dohnak siseh, i khamnak siseh ralkap hmunhma chiah dan le samh dan ṭha tein tuah lo ruangah.

Sungnak a tam kha hmuh khawh a si i ralṭhatnak ngeih loin ṭihphan ruangah nawlngeihnak a um lo kha hmuh khawh a si tiah a peh. Kahdohnak a hruaitu pawl thadernak kha tampi hmuh khawh a si i hruainak he pehtlai in zeidah kan tha a dernak a si timi kha kan ruah ṭhan tikah minung tamtuk in kan cawm/zohkhenh(Muai-tho)  hna caah a si tiah a chim.

Cun kamkhat lei ah Drone in bom thlaknak, Drone in hmunhma zohfelnak ngeih hnuah khoika zawh ah hodah an um timi kha an i pehtlaih khawh caah sunghnak a tam tiah General Min Aung Hliang nih a chim. Kan ral pawl an umnak sakhaan pawl ah kahdohnak kan tuah lonak a ruang hi NCA minthut ruangah a si i,

Kanmah sakhaan pawl an kan doh ahcun kan kham hna, hmunhma tamtuk lonh in cawlcanghnak a tuahmi phu pawl cu kan doh hna tiah SAC hruaitu nih a chim. Kahdohnak sinning kan zoh tikah kan ral nih thazang fonh in an kan doh i Ambush raltuk dan an hman tiah General Min Aung Hlaing nih a chim.

Kahdohnak chungah meithal kuan kan hmanmi a tamtuk caah kuan a chuah cun a za ko timi lungput in kan kah tiah General Min Aung Hliang nih meeting ah a chim. SAC cu tlangcung hriamtlai pawl, PDF pawl he kahdohnak ah a sung tuk i vanlei kahdohnak tam deuh in a hman cang kha hmuh khawh a si.

Leave a Reply

Your email address will not be published.