Lutuv Chin Christian Church (LCCC, Kansas) chungtel a simi Hnaring khuami Pu Bawi Tin le Pi Sui Ci hna i an fale pathum lakah a pahnihnak Nu Rebeca Van Sui Par (kum 11)nih sertu a pa Pathian sin ah a kan dinh tak tiah thawng kan in thanh hna.
A kan dinh tak ning cu, nizan chun hnuah khan an chungkhar dihlak le hawi dang hna he Kansas Tiva ah an kal hna I, ngakchia pawl cu tiva kam te ah bawlung he lente an i celh hna i an bawlung an dawi nak ah ti ah a tlak sual hi a si. Pawngkam um tlangval nih an zuan hnawh nain chanh kho loin tiva ah a kan liam tak hi a si.
Cu tik ah 911 an auh colh i tuanvo ngeitu palik le fire department nih 4:00pm hrawng in kawl hram an i thawk nain atu can tiang ah hin an hmuh kho rih lo. Cucaah thaizing ah a kawltu hna nih an kawlnak ah Bawipa nih umpi hna sehlaw an hmuh khawh nakhnga thlacam kan bawm cio hram u tiah nawl chih kan duh hna.
Tantakmi chungkhar hna zong a inzia le tuar zia an thiam khawh nakhnga le Khrihfabu caah thlacam kan bawm hram ko u. A herhning in thawngpang update kan van in tuah than te hna lai. Khrihfabu aiawh in, Joseph Ngun Ling ( Secretary) Lutuv Chin Christian Church 734 N 78th Street Kansas City, KS 66112.
Pehtlaihnak: Pastor: Dawt Uk (913) 314-9929, Chairman: Pu Win Maung (913) 293-2022,Secretary: Joseph Ngun Ling (913) 713-2327.
Leave a Reply