KIA Nih Ralhrang Sakhan An Phom Hna + Video

Khah!,,, KIA Nih Ralhrangbu Umnak Maran Kathawng Gate An Hrawh Kachin ram Mokaung le Ka-mai kar ah a ummi ralhrangbu hna umnak Maran Kathawng gate cu July 30 zingka suimilam 4 hrawngah KIA brigade 2, battalion 11 nih an kah tiah KIA nih an chim. Maran Kathawng gate cu tuzing zingka ah kan luthnawh, gate vialte kan hrawh dih,

A thi/hliam mi cu kan thei rih lo tiah KIA lei nih an chim. Tuzing suimilam 3 le cheu hrawngah Mokaung hrambunh ralhrangbu sakhan pakhat cu KIA nih hriamngan in voi 40 hrawng an kah tiah Khit Thit Media nih a tial.crd-the chin post.

Note- khah tlangcung hriam tlai chungah mipi nih uar taktak mi hna le mipi nih ralhrang doh kah nak ah cun I bochan taktak mi hna KIA nih July 30 tuni tu zingka suimilam 4 hrawngah ralhrang hna umnak Maran Kathawng Gate an phomh hna nak kong cu mah a link hi /videos/1757 hmeh piak law a thawng video na zoh ngai khawh lai.

Thawng pang dang relchap duh mi caah relchap; Antony Blinken Baichim Mi Cungah Taluk A Lungtling Lo India ah a rak tlawng mi US remdang pehtlaihnak vuanci Antony Blinken nih India le US ram pahnih cu tlukrual tein a hrawm kho mi ‘shared values’ an ngeihmi ram kan si tiah a chim mi cungah Taluk an lungtling lo ngai.

Blinken nih “kan khuacuanh ning a khat mi le ruahnak a khat mi, basic values le interests a ngei mi hna caah riantuan tinak tha deuh ngeih cu tlolh awk a tha lo mi thil a si bantukin India le US kar zongah riantuan tinak tha ngeih cu kan tuah hrimhrim ding mi thil pakhat a si” tiin India remleng pehtlaihnak vuanci S. Jaishankar he tonbiaruahnak ah a chim.

Vawleicung democracy ramnganbik pahnih hna nih vawleicung huap in democracy tlik zuamnak level a san chin lengmang bantukin tuantinak zong a that chinchin a herh tiin a chim mi cu Taluk nih a rem ziar lo. Taluk ramdang pehtlaihnak zung chimnak nawlngeitu Zhao Lijian nih; democracy cu mi kip nih kan i hrawm mi a si,aho ram bik ta a si lo.Democracy ngeih dingah formula pakhat lawng a um lo.

Mi pakhat, nawlngeihnak pakhat le party dang dang a ummi lawng hi democracy nih a timh mi a si hlei lo. Democracy hi ramdang hna nehsawh le thihphaihnak zongah hman ding phun zong a si.Zei ram dah democracy a si i, zei ram dah autocracy ti hi ram tlawmte lawng nih an duh i, biakhiahnak an tuah ding a si lo.Mah i hmuh sang ngai i midang hmuh hniam zong democracy a si bak lo tiin a leh.

Ram cheukhat nih ‘no money, no vote’ ti a si. Mipi nak in party hlawknak a sang deuh. Mahcu democracy politics maw money politics dah? Ram cheukhat cu ramdang kongah uang ngaiin an in sawhphalh, sual an puh hna i an thanchonak an khamh tawn.Mahcu democracy a si maw, democracy maw a si, hegemony dah a si.

Taluk nih an cuanh ning ahcun ramkhel kalphung tahnak cu a ramchung he a tlak mi a si deuh,mah nihcun ramkhel kongah fehnak, mipi thanchonak le zatlang nun thanchonak, an ram mipi nih an tanh maw, mipi thanchonak a pe maw ti hi kan tahfung a si tiah Zhao nih a chim.Credit -the chin post.

Leave a Comment

Leave a Reply

Your email address will not be published. Required fields are marked *