KNDF Nih Loikaw Khuami An Zaam Karlak Ah Thilri Fir Lo Ding In Ralrinnak An Pek Hna

Kayah ram Loikaw khuapi ah kahdohnak a fah chin lengmang caah mipi tampi ralzaam in khua an chuah tak thluamah cang. Cucu caan ttha ah la in thil fir ah a vak mi cu fak piin sualphawt an si lai i an nunnak ca tiang hmanh ah ttihnung a si nak kong an langhter. Hi bantuk in mipi an zaam kar ah an kaltak mi thilri vialte kilvengtu ding cu kanmah kan si i, a si khawh chung in kan kil ven lai tiah KNDF nih cun an chim.crd-SM

Ca dang relchap; Ralhrang nih Jet pathum in Sagaing chaklei ram, Kathar peng, Moetargyi khua cu nihin January 12, suimilam 12:49 ah bomb voi 12 an thlakhnawh hna. Khuachung inn 6 le phungki umnak inn pakhat an rawk, a tlawmbik minung 5 tal hliamhma an pu, tiah theih a si. Ralhrang nih bomb an thlakhnawh ruangah Moetargyi khua inn 6 le,

Phungki umnak inn pakhat a rawk, khuami 5 nak tlawmlo hliamhma an pu. A thi mi an um le um lo theih a si rih lo, hlathlainak kan tuah lio a si,” tiah Kathar-PDF nih ca an chuah. A rawk mi le hliamhma a pu ko nain kan theih rih lo mi an um kho rih. Cazin kan laak lio a si. Hliamhma a pu mi le a zaam mi mipi zong a himnak hmun ah kan chiah hna lio a si.

Ngakchia zong hliamhma a pu mi an um,” tiah Kathar-PDF nih an thanh. Kathar peng, Moetargyi khua le Moetarlay khua pawng ah 2021 November thla chung kahdohnak a tam i November 9 lio kahdohnak ah ralhrang 40 hrawng an thi, tiah PDF nih ca an rak chuah. 2021 May 31 lio zong ah ralhrang nih Moetargyi khua cu vanlawng in voikhat bomb an rak thlak bal cang. crd-the chin post.

Thawng dang relchap; Sagaing ram, Tanhsae peng, Chunlae khua cu ralhrang nih December 20 in umhmun an khuar I nihin January 12 tiang an um rih. Inn 20 nak tlawmlo an khaangh cang i khuachung mi dihlak an zaam cang, tiah khua mi pakhat nih Yangoon Khat Thit Media ah a chim. Khua mi pakhat nih cun,

Ralhrang nih khuachung inn 20 nak tlawmlo mei in an khaangh cang. Cheukhat inn cu thingtannak seh(engine) in an hrawh. Khua mi dihlak nih kan zaamtak cang i Ralhrang pawl nih an duh poh in mipi inn chung ah an umnak, cheukhat inn chung thilri pawl zong an hrawh dih,” tiah a chim.

Inn 13 innchung thilri cu ralhrang nih an hrawhpiak dih hna, thil man sung deuh cu an laak dih. Pyo-saw-hti phu pawl nih khua mi hna an i chiah mi riahcaw pawl cu an laak i, an laak dih khawh lo mi cu mei in an khangh taak, mipi nih facang an hleh manh rih lo mi zong mei in an khangh piak hna, tiah a chim chap.crd-the chin post.

Leave a Reply

Your email address will not be published.