AOA (Ace Of Angels) phu chungtel hlun Mina cu amah le amah thah aa timh ti si. A social media account ah a kut aa at i a thi hna a chuak lenmi hmanthlak a tar ti si. Cu ti amah le mah thah aa timhnak hmanthlak pawl social media ah a tarmi kong he pehtlaih in amah Agency FNC Entertainment nih fianternak a tuah than. Cucu Soompi ah a chim hi a si.
Amah le mah thah aa timh hlan a luancia July thla lio ah AOA phu chungtel hlun Shin Jimin nih a ka siaserh tiah Kwon Mina nih chim bal ti si. Mina nih a chimmi pawl cu a dikmi a si caah Shin Jimin nih ngaihthiam halnak ca a tial i an phu AOA chung in a chuak ti si. Nain cu ngaihthiam halnak ca a tialmi cungah Mina cu aa cenat lo i, AOA phu chungtel hna le FNC Entertainment nih lungthin tak in ngaihthiam an ka hal lo tiah a chim.
Cucaah Mina cu August 8 ni ah khan amah le mah thah aa timhnak hmanthlak a post. Mina Agency a simi Woori Actors nih cun Mina cu siizungah tha tein a um lio tiah phung ning tein thanhnak a tuah.
August 9 ni ah Woori Actors nih “Kwon Mina cu siizung ah a nu nih a umpi. A herhmi cheknak a tuah dih ahcun i thlawpnak a pehzulh lai. Zeitik ah siizung in a chuak te lai ti cu kan chim kho rih lo. Caan sau i thlawp ding zong a si kho” tiah a chim.
Cu ni thiamthiam aah Agency hlun FNC Entertainment zong nih AOA kong ah hi bantukin lung rethei kan in tuah caah tiin nawlnak an tuah ve. Kwon Mina zong nih harsatnak lakah na ngandamnak a tha than lai tiah zumhnak kan ngei. Kan thinlung tak in ngaihthiam kan hal. Agency lei in thawngthanhnak a tlai deuh caah ngaihthiam kan in hal chih. Chungtel hna kar pehtlaihnak tha le thaa lo kong ka ven him kho lomi kong zongah ngaihthiam kan hal fawn.
Nai te ah Kwon Mina niih kan chungtel hlun Shin Jimin kong a kan hal. Kanmah lei nih zeihmanh lehnak kan tuaah lo. Lehnak kan tuah lomi cuu Shin Jimin nih amah pumpak in le Agency sinak in bia a chim tikah Anuh-piinnyia rian ah ka um ti lai lo. Cele ka si ti lo i mi sawhsawh bantuk in um ka duh cang ti in a chim caah a si” tiaah FNC lei nih an chim ve.
Ref: SM
Leave a Reply