Nizan july 24 nii ah khan Mintami Khaing Hnin Wai nih a facebook ah nii 14 zong a si rih mi hngakchia pa te zoh khen le cawm ding in a lak mi kong cu a fb ah a van lang ter. Actress Khaing Hnin Wai nih a lang ter ning ah cun kum 15 long a si rih mi minu nih nau a puai i minung lung a keng lo mi a tlangval pa, nau te a pa nih a kal tak. Cun nau te a nu cu nau te a hring hnu caan tlawmpal ah mei kang nak in a nunnak a liam.
A pu pa nih keimah sinah a rak ka peitlai I bawmhnak a rak ka hal. Nii 14 long a si rih mi hngakchia pate cu taksa aihre/ takeng zawtnak a ngei mi a si. A si nain hngakchia a zaw mi cu ka lak hna lai lo ti mi lung ka ngei lo caah le a zawtnak hi mi chawnh thiam mi zawnak a si lo caah ka lak lai I a zawtnak hi a dam tiang ka thop lai i,
Nu dawtnak tling le padawtnak tling he ka pek lai tiah biachahnak ka ngei caah fa pa pakhat ka sinah a van cham cang tiah a facebook ah a van lang ter. Mintami Khaing Hnin Wai cu Khaing chungkhar ti mi min bun in KeHa a tuah mi a si. Mah Khaing MITASU KeHa ah cun hngakchia an hlawnh mi hna kha lak I a cawm keng/zoh khen hna.
Mintami Khaing Hnin Wai cu an nu/pa nih an hlawnh mi hngakchia hna long zoh khenh lo in mihar sa mi hna zong tu le tu in a her mi thil cu a bawmh peng mi zong a si.Miharsa cungah dawtnak a ngei taktak mi mintami Khaing Hnin Wai cu kawlram mipi zong nih an uar taktak mi lemcang thiam min thang le mihar bawmh nak ah a min a thang mi zong a si.
Leave a Reply