Ralrinnak A Kan Petu Si seh November 26, Thanksgiving ni, zaan 8 ah khan nau a pawi lio mi, kum 22 nu, fanu kum 6 le fapa kum 1 a ngeimi, Amethyst Killion, St. Peters, MO cu a umnak kan thei kho lo tiah a chungle nih police sin ah an report i a thaizing (Friday) ah police nih a inn pawng ah a ruak in an hmuh ti a si. A lu, a hngawng, le a paw ah namte sawhnak hmun 20 hrawng a um an ti.
A paw chung i a pawimi naute zong namte sawhnak in thih dawh a si an ti. Kum 27 pa; Damion Delgado hi a thattu si lai tiah lunghrinh in an tlaih. Hi pa he hin ai theimi an si lo nain online in ca an i kua tawn rua i Thanksgiving ni zanlei ah i tong ding in ca an i kuatmi an hmuh ruang ah an theih mi a si.
Hmithi nu hi online in pa pawl he ca i kuat phun le i zuar tehna zong a hmang pahmi si tiah report an ṭial. Hi kong ka rel cangkaa in ka lung i a chuakmi cu Chin nutung tete zong warehouse i rianṭuan ve mi mi dang pa pawl he a thli in vahvaih a hmang mi an um len ti an ka chimh tawnmi kong ka ruat colh.
Miraang pa lak ah hin nupa sualnak tuahpi hnu i thah beh a hmangmi hi an um lengmang tawn i mi dang pa he a thli i sum suk a hmangmi pawl caah ka thin a van phang pah i siaherh bia ah report ca ka van ṭial duak. A dih. Crd: Vanceuuk Khenglawt.
Leave a Reply