Minung hi kum 25 hrawng kan vun lawn ahcun kum zeizah hrawng na si cang tihmi bia halnak vun leh khi kan vun i harsak ngai cang. Minung kan caan hi khul rang ngai in a vun kal ve tikah kum 30 hrawng kan tling ahhin zei thil pipa hman hlawtling nak taktak kan hmuh kho cio rih lo. Cucaah kum 30 ka vun tling ahhin kan tawn ciami thil hna kha a sawhsawh an rak sih hrim lo ti kha kan vun i fiang caan a hung asi.
Kum 30 hrawng in duhdawtmi vun ihmuh hi atha bik caan asi ve tian an ti. Aruang cu thil pakhat khi kaa zuam lai ka vun ti zongah kan I zuam khawh i thil pakhat khi kan kal tak ko lai kan vun ti zongah kan kal tak kho nak kan ngeih kho cang I hihi kum le khua nih lai a rel ve cang caah asi. Kum 30 kan vun tling hnu ahcun kan sining zong fiang deuh in kan vun i theih i Kan nunnak ah a kan duhmi le kan caah a tha lai tiah kan I ruah mi nu pa zong kha tha tein thlendanh khonak lungthin kan vun ngeih caan hi kum 30 kan tling hnu tu ah asi an ti.
Kan kum nau lio kan duhdawtmi hna kha cu kan chun mang taktak lawng an rak sit tawn ko nain kum 30 kan vun tling hnu ahcun duhdawtnak hi zeidah asi kan duhdawtmi nu pa hi zeibantuk minung dah asi ti zong kha fak deuh in kan ruah kho cang caah a hman mi le atha mi bia khianak zong kan tuah kho cang. Mi nih a kan duh piakmi nain kanmah nih kan duhmi le kan caah a tha lai tihmi zong kha fiang tein kan thei khawh deu cang.
Kum nau te kan si lio ahcun duhdawtmi hna kan he ngeih kan he i tthen than tiin a phun phun in kan caan kha kan rak hman ko kan thinlung puaitling deu rihlo caah asi. Kum 30 kan vun tling hnu ahcun kan tawnmi thil nih khan lai a rel ve cang i chitkhat caan duhdawtnak ti bantuk nain zungzal caah duhdawtmi hna kha kan kawl thiam ve cang.
Kum 30 kan vun tling hnu ahcun thil chia le thil tha zong kha thlendanh thiam nak kan vun ngeih deuh cang i kan thinhung nak le kan I nuam nak zong kha ing tuan zia kan vun thiam deuh ve cang. Kan lung a vun fiang deuh cang caah midang sual va phawh nain ngai thiamnak nun zong kha kan vun ngeih kho deuh cang. Zei thil paoh khi ing khawhnak nun kan I chap cang. Cucaah kan nun zia zong kha duh a nung deu chinchin lei khi kan panh ve cang.
Kum 30 kan vun tling hun ahcun kan cung in a tlungmi harhnak kha zeitin dah ka tawnrel lai ti zong khua kan ruah kho deu cang i sung zatlaknak kan tawn zongah kan caah fim a kan chimhtu ding in kan I lak thiam ve cang. Cun kum 30 kan vun tling hnu ahcun dudawtmi he itheihthiamnak zong kan vun ngeih kho deu cang caah inuamnak zong tam deuh in inchunkhar ah kan chuahpi kho deu cang i harsaknak kan tawn caan zongah ing tuan khawhnak zong kan ngei khawh deu ve cangcucaah Kum 30 hnu ah duhdawtnak ti si.
Leave a Reply