Hlasakthiam Yone Lay cu amah a soiseltu hna nih “Lungrual awk a si cang, Myanmar” timi hla tuahnak ah Kyat sing 7000 a ngah timi kong he pehtlaih in fianternak a tuah ti si.
Yone Lay cu Lungrual awk a si cang, Myanmar timi Music Video kong he pehtlaih in Anuh-pinnyia Tama cheukhat zong nih an soisel ve. Cu hla he pehtlaih Kyat sing 7000 a hmu timi bia chawkvai kong ah Yone Lay nih a tanglei bantukin a chim.
“A ka soiseltu hna he hmai tongh in fianternak tuah ka duh. An ka soisel bik mi cu Kyat sing 7000, sing 8000, sing 10000 tiang a hmuh ti hi a si. A ka soiseltu a tam ngai cang. Hi kong he pehtlaih in ka Team chung ah nan duhmi paoh pakhatkhat hal hmanh uh. Ahohmanh nih phaisa an hmu lo hih.”
“Mah le phaisa tein i hrutpi khawh a si lo maw (Mah le phaisa kong te ceih a tha ko lo maw?) Ka soisel hlah uh, a doh zong ka doh fawn hlah uh. Keimah nih tuanvo ka lakmi (ka zohkhenhmi) chungkhar tampi an um hih” tiah nihin August 7 ni ah Myanmar Film Association zung i thawnglatu hna sin a chim hi a si.
Hlasakthiam Yone Lay cu Myanmar Film Association Office nih Covid um lio i Music Video aa thlak ruangah kumkhat chung video thla lo ding in an cawlter tiah MFA President U Nyi Nyi Htun Lwin nih nihin August 7 ni, meeting an tuah hnuah thawnglatu hna sin a chim ve.
Yone Lay cu tutan a Music Video ruangah Anuh-pinnyia-shin cheukhat le mipi tampi nih an soisel ngai hi a si. Nain Kawlram minthang Minta Myint Myat nih cun a pawngah a um hnawh peng i thazaang a pek peng ve.
Ref: Duwun
Leave a Reply