Kyauktaw Hrambunh SAC Khah-Mah-Yiah Sakhan An Laak I Hriamnam An Laak Chih Mi Pawl Cu AA Nih An Langhter

Rakhine ramkulh, Kyauktaw hrambunh SAC ralhrang sakhan pawl an laak lio ah hriamnam an laak chih mi pawl cu Rakhine ralkap AA nih nizan 2024, January 21 ah an langhter. Kyauktaw khuapi um No.377 miakpi ralhrang sakhan cu aluan ciami January 14 ah AA nih an laak khawh. Cu pinah SAC Khah-mah-yiah 539 Battalion sakhan zong January 16 ah Rakhine ralkap AA nih an laak khawh ṭhan i sakhan laak kahdohnak ah SAC ralhrang sinin hriamnam tam ngai zong, an laak chih khawh.

Mrauk-U, Minbya, Kyauktaw, Rathedaung hna ah ummi SAC ralhrang Khah-mah-yiah Battalion hna simi Mrauk-U hrambunh (377), (378) le (504), Minbya hrambunh (379), (380) le (541), Kyauktaw hrambunh Battalion (374), (375) le (376) hna telh in Rathedaung hrambunh (536), (537) le (538) Battalion hmunhma hna zong ah Rakhine ralkap AA le SAC ralhrang kar ah kahdohnak pehtlai in a fah liopi a si i.

SAC sakhan cheukhat cu Rakhine ralkap AA nih an laak khawh cang hna, tiah theih chih a si. Crd- Lungmili Post. Thawng dang: Taingen Lei a Kai mi SAC Ralkap Pawl Kalay Lei ah an Kir Than. Taingen lei ah an kai lai tiah ruah mi SAC ralkap pawl cu Kalay lei ah an kir than, tiah Kalay khuami hna nih an chim.

CNA hruai mi Chin miphun ralkap phu komh nih January 16 ah Taingen SAC ralkap camp an laak hnu ah Kalay in SAC ralkap 60 hrawng Taingei lei ah an rak kai, tiah CDF CDM-Siyin chimphuannak nawlngei nih January 17 ah The Hakha Post ah a rak chim. SAC ralkap 60 hrawng cu Kalay, 9-miles in Taingen lei ah an rak kai ti mi kan theih.

Kan theih tiang ah Coffee dum pawng an phan. Asinain, an rak kai taktak lai le kai taktak lai lo a fiang lo. Kan ngiat ko hna. Kanmah lei ralkap pawl Kalay lei ah an rak ṭum lai ti mi an phan caah pawngkam runvennak an tuah mi zong an si kho,” tiah a chim. Taingen lei ah a rak kai mi SAC ralkap pawl cu Tedim peng, Hiangzing khua thlang tiang an phan nain cuka hmun cun Kalay lei ah an kir than tiah a hmutu khua mi hna nih an chim.

Leave a Comment

Leave a Reply

Your email address will not be published. Required fields are marked *