US ram um ah nurse riantuan lio mi kan Lainu Katie Van Zi nih Lai nungak pawl an idawhnak zumh awk an tlak lonak le La tlangval pawl zong nungak pawl nih zumh ve lo ding tiah a facebook ah a tarlangh.
A chim duhmi cu online ah an hmanthlak dawhdawh an i tarmi khi a tak ahcun an idawh lo. An hmanthlak an edit chawmmi a si a ti duhnak khi a si. “Keimah hna hi ka ngo nemmam lo cuh” tiah amah le amah aa tahchunh i a ngonak hmanthlak dawh ngaimi aa tar chih.
A chim duhmi cu ka hmanthlak bantuk in a tak ah ka ngo lo a ti duhnak khi a si. US ram ah Nurse a tuan liomi nungak Katie Van Zi nih Lai nungak pawl le Lai tlangval pawl zumh awk an tlak lonak cu a tanglei bantukin a tial.
“How Lainus catfished laipas online. Esh! Lai nungak pawl hi tuchan ahcun editing kan thiam tuk cang le kan zum tuk hlah uh. Keimah hna hi ka ngo nemmam lo cuh. Laipa zong a cheu cu an balah hna an edits pah cang men lai, nungak pawl nih zum ve hna hlah uh.”
“Online ah biathlum tak mi kan tta le pawl hna khi a tak ahcun an rak thlum lo ngai kho men. A fel tak a lomi pawl zong khi voih an si ko. “Ka upa cang le kei cu Ngakchia bantuk in nungak ka chawn lo” a timi pawl khi, an chawnh mi nungak paoh Mah tikhan an chawnh dih fawn hna an ti (an ti an timi kha va zum hlah uh an ti hoi khah.) Okay, let me go back to catfishing you” tiah Katie Van Zi nih a tial hi asi.
A chimmi hi micheu caah cun a hman ngaimi zong a si. “Mi cheukhat cu an facebook ah an tarmi hmanthlak ah an i dawh ngai nain Live an thlakmi van zoh than tikah a mui sinpi tawnlomi an um” tiah Khamtung Motor facebook account ngeitu nih a rak tial bal ve.
Credit: Katie Van Zi
Leave a Reply