Grand Prize laksawng cotu Kawlram min thattertu kan Lainu hlasak thiam Jenevy Sui cu Myanmar International Youth Fellowship nih nihin ah Online in upat pek nak puai an tuahpiak lai tiah theih a si.
Ani le caan cu nihin August 5, 2020, Kawlram caan chun suimilam 2:00 pm ah a si lai i Myanmar IYF facebook page ah Live in thlak a si lai. (Kawlram caan a si caah catialtu nih a kong a tial lio ahhin an thok dengmang cang lai.)
Zoom ID – 6930671117, Password- 555 zong in telhpi ve khawh a si. Kan Lainu hlasakthiam Jenevy Sui cu 2020, July 26 in 29 tiang, Korea ramah tuahmi 2020 IYF Online World Camp K-Pop Singing Contest timi vawlei cu mino hna hlasak zuamnak ah aa zuam ve mi a si.
Cu hlasak zuamnak ahcun ram ram 65 in aa zuammi phu 135 lakah Kawlram aiawh in Kan Lainu MC-YA hlasakthiam Jenevy Sui zong aa zuam ve hi a si. Cu hlasak zuamnak ah Jenevy Sui nih “Crush Landing On You timi Korean Drama Series video ah aa telmi hla in aa zuam ve i Grand Prize laksawng a co hi a si.
Cucaah Myanmar IYF mino phu nih an lung lawmhnak an langhter pinah tu bantukin upat peknak puai tuahpiak an timh hi a si. Kawl hmanh nih hi tin upat peknak an tuah ahcun Laimi hmanh nih tuah piak kho ve u sih law a va tha chinchin hnga.
Source: Myanmar IYF fb page
Leave a Reply