Lam Pawng Uico Hmanh Tu Bantukin An Pah Hramhrammi Ka Hmu Bal Lo

Kan Chin mipi longhlah kawlram mipi zong nih an uar taktak mi le thazaang taktak an pek taktak mi kan Chin Singer Esther Dawt Chin Sung nih tunii Yangon khuapi ah duhlonak langhtertu mipi hna SAC ralhrang mawtaw nih hramhram in an pah mi hna kongah a tang lei bantuk in a lung fak nak a Fb ah a van langter.

Lam pawng uico hmanh tu bantukin an pah hramhrammi ka hmu bal lo. Atu cu minung pei an pah cu, zeibantuk lungput hme an ngeih? Minung a si ko nain minung thinlung an ngei ti lo hi. Maw Pathian, tu kum Christmas ah Myanmar ramchung daihnak kan pe ko sawh. Note: Esther DCS nih Kawl ca in a tialmi aa tlak ning in leh chinmi a si.

Rel chap: Yangon I Duhlonak Langhtertu Hna SAC Ralhrang Mawtaw Nih Hramhram In An Pah Lio Video. Nihin December 5, Zarhpini zing suimilam 8:00 am hrawng Yangon khualipi, Kyihmyintaing myone ah duhlonak langhtertu mino hna cu SAC ralhrang mawtaw nih hramhram in a pah hna i a hmun ah minung 3 an thi colh tiah theih a si.

A dang mino pakhat cu meithal kuan nih a khenh ruangah a thi tamtuk in a luang i a nunnak a liam ve. Nihin Yangon khualipi chung ah SAC ralhrang nih an thahmi dihlak minung 4 an si tiah Khit Thit Media nih a tarlangh hi a si. crd- Chinland News Agency – CNA. Note: Mah a link hi 49408237666/videos/ hmeh piak law video na zoh khawh lai.

Ca dang relchap; Yaw Peng Thil Phur Mi Mawtaw Chung Ah Rithai Sii An Hmuh, An Tlaih I Mei In An Duah, Mawtaw Khaltu Cu Biakamnak He Min An Tthut Ter I An Thlah, Gangaw-Kalay lam ah thil phur mi mawtaw chung ah rithaisii an tlaih, an tlaih i mei in an duah, mawtaw khaltu le a hnuzul cu biakamnak min kan tthut ter hna i kan thlah hna tiah YDF nihin december (4)ah a thanh.

November (25) Gangaw- Kalay lam Taungla khua le Letpan khua kar thil phur mi mawtaw an chek i sii car le YW rithaisii le cheukhat an hmuh. Cu rithaisii cu minung pa khat hman mi zat lawng a si, zuar ding in phurh mi si lo caah mei in kan duah tiah an chim. Mawtaw khaltu le a zultu pa cu biakamnak min kan tthut ter hna.Tu hnu rithai sii nan phurh kan hmuh than si.

Cun dantat nak fak kan in pek hna lai tiah ralrin kan pek hna i kan thlah than hna tiah an tial chih. Kalay-Gangaw lam ah rithai sii telh in thing fir le Ralhrang thilri phurh lo ding in YDF nih ralrin a pek.TFT

Leave a Reply

Your email address will not be published. Required fields are marked *