Hlenthawi A Tong Lengmangmi Mara, Zophei Kilken Le Lautu: By Salai C Alexander
Chin ramkhel pafim rak timi pawl nih Mara, Lautu le Zophei kilken deuh khi an rak hlen peng ko hna rua ti in ka ruah. Ka palh kho ko. Vanzang tlang zalampi tbk hna cu cozah nih a rak kan tuahpiak khawh lo hmanh ah, tlangmi chungin a cawlcang kho nih phaisa an thawh i remh le kauh lengmang si tikah, motor duh tawk aa chok kho lam a sinak sau ngai cang.
Mara le Lautu lei ah pafim an um ko. Mi zaza an chuak. Nain, naite hrawng i an lam umtuning theih khawh ning ah ngaihchia ngai cu si ko. MP Za Tlem te chan lio ah khika lei lam caah proposal cu a rak tuah cang tiah theih a si. Cucu NLD chan ah, USDP in Dr. Hmuh Thang nih MP a rak hmuh tikah MP Za Tlem rak chuahpi cangmi cu an hnonpiak hramhram hna.
Lai NLD nihcun arsa eiṭi ti phun policy anmah tein an iserh ti si. NLD a tanh takmi pumpak Tum Tum (tuan Lai Buluk) nih an sining a va hmuh hna tikah NLD tanh tlak an si lonak a va hmuh ai. An dirhmun cuanh tikah khika lei nihkhin cun party pakhat ah fekte in dir lawlaw hna sehlaw roling an si te lai ti in ka zumh bak ko.
USDP lam cu dirpi awk an tha bak ti lo. NLD ti le hlen le thawi an hman khawh ning. Tutan i pumpak bang hna an izumh sual citcet ahcun chan khat an pil hoi te lai. Pumpak pawl cu parliament ah AW an ngei lo. Mah caah dah kaw party timi dirh a sinak si cu. AW tam deuh paoh nih democracy ah cun a dik pek dik lo pekah teinak an hmu tawn.
Tleu le ngeu duh lo ahcun pumpak pawl cu thimfung pek hrimhrim lo ding. Thih ah thih, nun ah nun ti in mah miphun party in an dir ngam ahcun an ram khi Chinram chungah aa dawh bikmi ram si te lai. Biahlei sawh: Hakha lei i sum le sumkhal bang hna in a hung pawt vemi hna kha cu si te si lo. Maa ko tiah rak cawnpiak lehlam uh. Mithmai zoh khin awnh tuk ding si lo.
Credit: Salai C Alexander
Leave a Reply