Lawm Um Tuk Saya Chit San Maung Sin In Laksawng An Dong

Lunglawmhnak Tike Na Lone Musical Shop nih Sponsor mi Hollow Guitar cu Saya Chit San Maung nih LBC, Yangon caah pakhat laksawng a kan pek. Hlutu le pechantu hna cung ah lunglawmhnak tampi kan ngei.  Cun, kan sin phak khawhnak ding ah tuanvo a kan lak piak tu Nu Esther Dawt Chin Sung cung ah lunglawmhnak tampi kan ngei. Pathian nih thluachuah pe chin ko hna seh,crd-LBCY

Thawng dang relchap- AA le SAC ralkap kar kahdohnak pehtlaiin a umnak le eidin a cahnak Chin ramkulh Paletwa ah SAC ralkap nih man fawi tein eidin thilri zuar an timh tiah Paletwa khuami nih an chim. Arti hi a leng ah pumkhat 1000ks in kan cawk tawn nain, SAC ralkap nih pum khat ah 100ks in kan zuar lai tiah an chim. Cu thil zuarnak cu nihin September 16 in kan thawk lai tiah an chim nain tilawng a phak rih lo caah nihin cu an tuah kholo tiah theih a si.

SAC ralkap nih a tu bantuk in thil man fawi tein zuar an timhnak cu SAC ralkap nih mipi zohkhenhtu kan si tiah chim in langhter an duh caah a si tiah tualchung mi hna nih cun an chim. Tu bantuk in man fawi tein thil zuarnak cu sipin nih ṭuanvo lak in an tuah lai i, chungkhar cazin ning in chungkhar pakhat ah minung pakhat nih cawk a ngah lai tiah an chim.

Paletwa lawngah siloin Chin ramkulh chung khuapi kip ah tuah an i zuam i a cheukhat hmunhma ahcun an tuah dih cang tiah theih a si. Ram leng thawng pang relchap- Ukraine nih ngeihmi Zaporizhzhia Nuclear Power Plant Sehzung i a ummi Russia Ralkap pawl cu sehzung in kir dingah International Atomic Energy Agency nih Australia ram meeting ah biakhiahnak an tuah tiah, neihniammi hna nih an chim.

AEA biakhiah ning ahcun Zaporizhzhia lawng si lo in Ukraine ram chung Nuclear Power Plant Sehzung vialte ah. Russia ralkap nih an thiltuahmi vialte cu ngol colh ding in bia an khiah, Australia ram meeting ah hin ram 35 an i tel i ram 26 nih an lungtling i, ram 7 cu vote an thla duh lo, Russia le China nih cun an lungtling lo tiah, theih a si. Zaporizhzhia sehzung cu Russia ralkap nih an lak caah sehzung cu pakhat khat a cang kho ding dirhmun ah a um i,

Ukraine ram lawng si loin kan pawngkam ram hna ca zong ah tih a nung ngai dingmi a si tiah, biakhiahnak chung ahcun an telh chih. Russia ralkap le Russia Nuclear Power Plant Rosatom nih Ukraine ram sehzung pawl cu Ukraine cozah sinah pek than dingin biakhiahnak ngeih a si i, IAEA ah Russia palai nih cun nitlak lei ram hna nih Ukraine ram hriamnam biatak te an bawmhmi hi meeting nak ah ceih nan duhlo tiah,lungtlin lonak cathanh a chuah ve.

Europe ram ah a lianbik a simi Zaporizhzhia Nuclear Power Plant sehzung cu a luanciami thlachung ah khan tu le tu hriamngan in kah a ton caah IAEA nih cun kan thinphan ngai tiah an chim. Hi Sehzung hriamngan kahnak kong he pehtlai in Russia le Ukraine ramkhat le ramkhat an i mawhchiat. crd- The Chinland Post.

Leave a Reply

Your email address will not be published.