LMZ upa le Hmongtlang khuami buainak. Hmangtlang an pah hrim hrim lo. Hmangtlang hi taktak ahcun Lautu in Surngen Miphun, Zophei in LongTlang Miphun , Senthang lei in PhaiPha Miphun, hna umnak khua asi. Cozah pakhat le Ram pakhat le Uknak pakhat nih thil tuah aa timh tikah timhnak aa ngeih i thil fiang tein decision an tuah hnu ah thil a tuah cucu a ho hman nih khamh kho a rak si lo, Ram pakhat in Cozah an si cang caah asi.
Tu lio Hmangtlang nih a kham mi lam hi 2018 lio ah Leitak nih an mah khua lawngin an tak cawh bal cangmi lam asi. Nain Hmangtlang nih a duh lo caah an rak khamh hna caah an kaltak cangmi lam asi. Nain a tu 2020 ah LMZ( Lautu Mara Le Zophei Min hmangin cawh cawh than ding an I timh than nain Hmangtlang nih an onh than thiam thiam hna lo aruangcu hi lam cawh ding hi thih tiangin kan khamh lai tiin timhmi lam asi. Nain Hmongtlang sining a hngallo mi le Hmongtlang cungah hmuhthiamnak a ngei lomi thenkhat nih Hmongtlang khuami sining kha zawnruahnak umlo le mihrut sanga bang soisel le sual photnak bia an chim.
Hi lam hi a ngaingai ti ahcun cawh than dingah tan latu hi LMZ hi a muru an si lo in LMZ phen ah Hmangtlang khua hrawh le thio a duhtu khua le minung tlomte idea tha lo ruangah a si bik dawh asi Lautu Mara Zophei tam deuh nih mah kong an hmuh ahhin an lau ko Zophei chung zong in khua khathni lawng nih pah dingmi lam asi( atu abuai mi lam hi). A luan cia mi kum ah USA hrambunh ZFA hmangin HT Ningcang lo in rak tuah si bal cang nain ZFA upa nih HT sin ngaithiam hal nak an rak tuah than caah HT zong lungdam tein an rak um than . Thil a cangmi zoh tikah a chungin HT caah virus a um ko ti hi aa fiang ko.
Hmangtlang hi taktak ahcun Lautu in Surngen Miphun, Zophei in LongTlang Miphun , Senthang lei in PhaiPha Miphun hna umnak khua asi. Nizan an buainak Lam pi hi kan pa le chan ah Lautu Mara Zophei fonh in 196-hrawngah rak cawhmi lam {Asen rong in ka kalter mi} asi. Kum zeimawzah a rauh hnuah Cozah nih ( PYTHAWNGSUH LAMA) in a cohlan i Cozah ngunkhuai in remh le zohkhenh a rak si. Asi nain cu lam cu Hmongtlang khuami hna paw cawmtu Lei acres 100 leng tan in a kal mi le ti a petu tilak pawng in a kal mi le cerhti put a tamnak chungin a kalmi asi caah Hmongtlang khuami nih 1997 kum ah.
A chaklei in lam thar an cawh {vandum rong in ka kalter mi} i cu lamthar co Cozah nih a cohlan caah nihin tiang lam thar cu hman le remh asi. Cu lamthar cu Cozah ngunkhuai nih kauhchap le remhchihnak zong 2014 hnuin an tuah i lam tha ngai asi cang pinah Hmongtlang police station le Hmongtlang Sizung pi karlak in Hmongtlang khuachung a lut mi lam asi. Hmang liomi lam hi atanglei bantukin an si lai. Cozah nih ngunkhuai samh in a rak remh cangmi asi caah remh hau tilo in 20″ kau in ser cangmi lam asi.
Pinah Police station in Hmongtlang khuataw tiang Mirang Vawlei an phah dih cangmi lam asi.
Tilak le Certi put hrial in ser mi lam asi caah Fur thal hlan in lam rawh le mimh a um tilo. Hi a cung i sining langhter mi zoh tikah 3 furlongs in a naideuh tiah ruah le chukcho a umlo deuh caah ti menmen in ruah ahcun Lam thing remh hi thiltha deuh cu a lo ngai nain a sining taktak zoh ahcun Luti, Certi le Nawncek lak ah a kalmi lam nakcha cun Leiro leihak lakah a kalmi lam cu a let in a thadeuh i a tluangdeuh camcin.
Asi kunah ziah LMZ kan u pa le le Pu Sui Thio nih hi lam hlun hi remhthan ding le serthan dingah an vih kun hnga tiah ruah ding a um.. Hmongtlang khua khi hrial an duh. Hmongtlang khua thanchonak ca aa hngatmi lampi in pheo in a thanchonak hrawh an duh. Lam sersiamnak caah cozah nih a chuahmi budget kha an pumpak chawlehnak/business caah ihman an duh caah asi. Rem an duhmi lam hi a tanglei bantukin an si lai. Hman cuahmah mi lam nak in remh an duhmi lam hi 3 furlongs tluk in a tawideuh i Hmongtlang khua chung pal tilo in a kalmi lam asi.
Man cuahmah mi lam nakin chukcho a umlo deuh nain Certi put le Leitilak Lei nih a hmanmi tilu le nawncek chungah a kalmi asi. Lei kuang chung le Lei Tilak he a kalmi le Cerhti put lakah a kalmi lam asi caah furpi can le Khuasik chung vialte cu Nawncek chung le Luti chungah a kal ding asi caah Motor cu chimlo Cawleng ke pi hmanh a pildih tawn mi lam asi. Certi lak le Lei tilak chung a kalmi lam asi caah kumtin te remh le siam than nak ah Phaisa a nuainuai dih in ser remh zungzal a haumi lam asi.
Leave a Reply