September 6 zaan ah Lunglei sumo counter ngeitu nu K.Vanlalduati that tu ah zumh mi pakhat cu nihin September 8 chun ah palek nih an tlaih. 1.Vanlalduati thattu hlathlai dingah special investigation team fonh a si i, thawngpang an theih mi an dawi nak ah a that tu a si lai tiah zumh mi Lalchawimawia cu tuchun suimilam 12:10 ah khan an kulh i an tlaih tiah theih a si.
Hi kong he pehtlaihin SIT leader Pu Albert Lalnunpuia SDPO nih; lainawnnak ah hman mi namte cu social media ah post ruangah tlaih khawh a si caah thawng an kan pek ningin Lalchawimawia hi a tlunnak Lunglei, Luangmual ah an va tlaih mi a si.Lainawngtu a si ti fianhnak tha ngai kan ngei tiah press briefing an ngeihnak ah a chim.
Mi thattu ah zumh mi Lalchawimawia hi kum 24 a si i, amah hi Kalaymyo Tahan F group mi a si. Lunglei pawng Thangte khua ah a um tawn mi a si i, district jail Sazaikawn ah chiah colh a si. crd-the chin post.
Thawng dang; SAC Mithat Phu Nih Kalay, Tin-Tar Khua Inn Nga Mei In An Khangh, Sagaing Ramthen, Kalay Peng chung khuate cheukhat ah SAC mithat phu hna nih umhmun an khuar i, khuami hna inn an khangh lawng si loin minung pasarih zong an tlaih hna tiah theih a si.
Khualuhnak hauka in SAC mithat phu hna nih mikip le innkip cu an check hna i a hrem zong an hrem hna. Hi bantuk tuansernak an ngeih ca ah khuami hna nih an tih i minung 1000 leeng khua an chuah takin an zaam tiah kan theih.
NUG nih D-Day a thanh hnu September 8 zong ah Kalay Peng Tin-tar khuachung ah lut in inn nga an khangh. Inn an khanghmi kong ah khuami pakhat nih, “Inn an khangh mi hi a dihlak ah inn nga a si. Inn nga chung ah inn hnih cu kan phalh manh. Inn thum hi vutcam ah a cang dih.
Minung aa hliammi cu an um lo,” tiah a chim. Inn an khangh lawng si loin khuami minung 10 an tlaih hna. Pahra chung ah pahnih hi nu an si i nu pawl cu an thlah than hna tiah VOA nih a langhter.crd-the chin post.
Leave a Reply