Lungthin Nih A Celh Lo Ee, Ralhrang Nih Zei Sualnak Ngei Lo mipi An Thah Hnanak Kong An Chimnak Video A Chuak+ Video

Sagaing ramṭhen ah SAC ralkap an sualnak le ṭih an nunnak kong video le hmanthlak cu RFA nih social media ah an langhter. SAC ralkap pakhat nih phone a thlaumi cu tualchung mi nih an char i, a phone chung ah tualchung mi 30 hrawng an kut ah hri in an ṭem hna i, an tlaihmi hna hmanthlak le phungki sianginn ah an ṭhutter hnanak hmanthlak a um. Tualchung mi hna cu hni in an mit an huh hna i meithal in an kah thah hna.

An pawng in SAC ralkap pahnih nih an zoh hnanak hmanthlak zong a um. Video chung ah SAC ralkap pathum nih selfie in video an i thla i, tualchung mi pa zeizat dah an thah hnanak kong an i hal. Video a thlatu pumpak nih,” kei cu ka ngakchiat tein minung thah hi ka rak huam tuk, ka duh tukmi zong a si,” tiah a chim.Hi video file le hmanthlak hi RFA nih an langhter mi a si.crd- the chin post. Video zohnak mah a link hi hundawtu123/video hemh piak law na zoh khawh lai.

Thawng dang: Kathar Peng Kahdohnak Ah SAC Ralkap 40 Nak Tlawm Lo An Thi. Sagaing ramṭhen, Kathar peng chung ah kahdohnak voihnih a chuak i, SAC ralkap 40 nak tlawm lo an thi, tiah theih a si. June 17 ah Kathar peng nichuah lei Innkyi lam (17) hmun pawng ah voikhatnak kan i kap i (14) Kyauktaung pawng ah SAC ralkap pawl cu bomb lung hnih nih kan puah ṭhan hna. Zanlei ah SAC ralkap nih hriamngan in an kan kah, tiah Kathar Pah Ka Pha nih cathanh an chuah.

Cu kahdohnak ah Kathar pengkomh PDF Battalion 3 le Pah Ka Pha ṭangṭi phu hna nih an kah hna i, SAC ralkap 20 nak tlawm lo an thi. Kathar Pah Ka Pha in ralkap pakhat a nunnak liam ve, tiah theih a si. June 17 ah Kathar khua pawng motor dinhnak hnulei rawl dawr ah rawl a ei liomi SAC ralkap 60 hrawng cu, zanlei sml 2:00 hrawng ah Kathar Pah Ka Pha le ABSDF ṭangṭi phu hna nih an kah hna, tiah theih a si.

Zanlei sml 4:00 hrawng ah motor pakhat nih SAC ralkap hliamhma pumi hna cu sii-inn ah a kapi hna i, ralkap 20 nak tlawm lo an thi tiah cathanh an chuah. Inn khua kahdohnak cu fiang in kan hngal lo. Zanlei ah SAC ralkap sii-inn an kalpi mi hna hi an tam ngai. A thimi cu 20 lawng an si lo, tiah sii-inn he naihniam mi pakhat nih a chim,” tiah Kathar khua sang No.(5) ummi pakhat nih a chim.crd- the chin post

Leave a Reply

Your email address will not be published.