Rev. David Lah a soisel ruangah a zeng i a mit khua a hmu lo tiah tu lio online ah a lar ngaimi Mah Yu @ Zarchi Thin Yu nih Rev. David Lah cu ngaihthiam a hal cang. Mah Yu nih tu bantukin Rev. David Lah ngaihthiam a halnak cu Rev. David La pumpak a um ve lo caah a sin va kalmi Pastor Kyaw sin ah ngaihthiam halnak a tuah hi a si.
Mah Yu nih a chimmi cu, Rev. David Lah a soisel lio ahkhan ramdang in a rak tlungmi a si i zawtnak he a rak tlungmi a si pinah mi tampi nih amah sualpuhnak an chim cio tikah keimah zong nih ka chimh ve sual mi a si tiah a chim.
Amah kong a chimmi cu, “Keimah hi ka lei a zaang, mah lio ahkhan ka mit khua a hmu rih i online ah a lar ngai tikah phungki tiang nih online in a duhlonak kong an chim ve. Cu tikah keimah cu ka lei a zaang ngaimi ka si i amah Saya David La zong Canada rammi a si tiin ka theih.”
“Mah lio ahkhan Saya David La cu Kawlram a phan timi ka theih tikah minung ti cu ka thinlung kaa thingh kho ve lo i bia pakhat ka chimh sual. Kan biakmi Buddha zong nih nan sual ahcun nan sual nan phuan lai, lih nan chim lai lo a ti caah Saya David Lah cungah ka chim sualmi ngaihthiam ka hal.”
“Anu le pa a unau cungah ka chimh sualmi cu a um lo. Mah lio i ka rak chimh sualmi ruangah Saya David Lah cu ka pawng hlah hmanh sehlaw Pastor a si vemi Saya (Pastor Kyaw) na um ko caah nangmah sin tu in Saya David Lah cu ngaihthiam ka hal” tiah ngaihthiam halnak a tuah hi a si.
Amah nih cun mah lio i a chimmi bia pawl hmanh a chim than ngam ti lo. Nain ka rak chimh mi pawl kha cu tluk cun sual a si lo nain kan biakmi Buddha nih chimhsualmi kongah i ngamthiam ding ti a kan cawnpiak caah ngaihthiam ka hal tiah a chim. A duh lo nain ngaihthiam a halmi hna a lo pah ko.
Zei khawm a si hmanh ah Thiang Thlarau tu nih Pastor Kyaw hmang in Mah Yu lungthin chung ah riantuan sehlaw, Jesuh a cohlan khomi a si pinah amah zong nih damnak tling a hmuhnak hnga Khrihfami nih thlacam bawmh ve hna uh sih. Atangah a video zoh chih ding tar chih a si.
https://www.facebook.com/275320546434886/videos/303597697595282/
Video: Pastor Kyaw
Leave a Reply