Mai Sui Hlei Tial Ruak Kongah Lungsau Tein Rian Nan Tuan Tti Nak Kan Hmuh Tikah Upat Lo Awk Nan Tha Lo

Kan nau/far nu Sui Hlei Tial ruak kongah Thantlang khua nu/pa, rethei mi dih lak le mino nan dih lak nan cawlcanghnak cu uar nan um tuk. Lungsau tein rian nan tuan tti nak kan hmuh tikah upat lo awk nan tha lo. Ramleng in a cawlcang mi pawl zong uar nan um tuk.

Mah bantuk social injustice ton lio caan ah hin ramkhel lei party paohpaoh ahlei bik in Chin parties lei hrim nih mark kawlnak ah hman lo bak ding a si. Kan miphun nih tem in mi cu zei party paoh paoh nih tem in mi a si ve. Party kut in a cang mi a si lo. Cozah rian kalning bureaucracy in a rak chuak mi a si. Adik mi Federal kan hmuh hnu zongah Chinram ah tlangcung mi silo kawl miphun bawi riantuan tu pawl cu an um peng ko lai. Chin mi kan i zuam deuh lo la bang ahcun hi hnu hmailei cu a tam hmanh an tam chin leh lam kho mi a si.

Cucaah, Chin mi nih kan chanbau ngai nak zawn a si mi Cozah rian tuan i timh le sianghleiruun kai (higher education) lei ah hin miphun dang kawl le tlangcung mi nak in a let in thazang chuah le kar kan hlan deuh kan hau chin lengmang ko.

Chin ram cu Myanmar ram Union pi ah a um mi a si bantuk in kan mah Chin miphun chung in bawi a kan tuan piak kho mi pawl zong kawl rawn silo tlangcung mi miphun dang sin ah rian an tuan ko lai. Uktu zong an si ko lai. Cu ve bantuk in, miphun dang hna zong kan Chin ram ah an rak kai i Cozah phung ning tein rian an tuan ve awk a si ko.

Mi zei bawi hmanh (kawl pek, Lai pek) mithmai zoh lo in ningcang lo in rian an tuan mi cung paoh ah fak piin kan duhlonak zong langhter ve ding. Aherh ahcun Naypyidaw tiang zong phak ter ding. Crd: sang Hre.