Madalay UAB bank damiah taihtu pa inn ah phaisa Kyat sing 199 le ball kuang le plastic meithal pawl an hmuh. October 15, zanlei suimilam 3 le cheu ah Madalay myo, Pyigyi Takhon myone, 62 lam le Yadanaa lam tonnakk i UAB bank cungah cycle lukhuh khuh i Mask a hrukmi mipa pakhat a lut i Security pawl le Bank riantuan pawl cu a meithal in a hmuah chih hna i phaisa Kyat sing 200 a chuh hna.
Cu ti cun 4D-5422 Mark II motor a rangmi aa mongh hi aa tlikpi. A hnu ah cu damiah cu a ruak in an hmuh. Cu damiah taihtu pa cu a ruak humnak tuahpiak a si caah palik phu nih a inn an chek manh rih lo i, an ruak thutpinak hna a dih hnu, nihin October 22 ni ah palik phu nih a inn cu kherhhlainak an tuah.
A thi cangmi damiah nih cun a nupi hmanh theih lo in a thupmi ball kuang hmangin kap khawhmi kaw meithal, ball kuang pawl le phaisa kyat sing 99 an va hmuh chuah hi a si. Damiah nih hin nupi le kum 7 ngakchia nute le thla 11 ngakchia pate pakhat a tangtak hna tiah palik hna sin in theih a si.
Cu damiah cu a min le a kum langhter chihmi a um lo nain, Ko Aung Soe Min nih a facebook ah a hmanthlak he a tarlangh ning cu amah le amah hri awk in a nunnak aa lak tiah a tial langh hi a si.
Atangah damiah taih ni i an dawi lio video zoh chih khawh a si.
https://www.facebook.com/100056291285882/videos/108923390994037
Ref: The Ladies News
Leave a Reply