VP Pu Henry sin ah Mara nih an ka kuatmi caa: By Saya Rung Kaw: Tutan Mara Tlang na rat lai cu kan i hngak hlang ngai ngai. Hmuhsun tonhar. Kum 5 dan ah voi khat te kan in ton asi hnga. Salai Pathli nih an cah mi Saikel lukhuh cu philh hrim lo ding. Lau zawt nak le na thi akai lo nak hnga, kakuesii na rak I chunh cia ah a tha lai.
Silo le Sibawi Thiam sang hna, Tamaadaw le Nurse nungak hna naa kenh cia hna ah a tha lai. Kan in vote hna ruang ah nan kan dawt nak Lam le sul te hi rak zoh Chung te ko. Tang film ah aum ko hi. Na Tlang bawi hna, na mitthi Lalang hna le Na Tumkheng Ma Do hna nih an kan tuahto Dan hi film ah hin rak zoh Chung ko zangfah nak tein.
Kan nih Mara nih Nang le Sym Ni Sui Lian cu kan in theih bal hna lo 2015 lio ah cun. Kan phun hawi Bohmu Bawi Tial ruang ah mee kan in pe hna. Nain kan nih Mara Tlang cu Mee an pe lo mi hna ko kan hluan cang. Mara Tlang nih lungsau thinfual in kan in orh ko hna. Ropui cungnung Van tawi thang SPH bantuk in le Mara Tlang daw tu nan si hna caah. Credit: Saya Rung Kaw
Salai Lungthli Tum Nih Mara Kong He pehtlaih in VP Pu Henry sin ca a kuatmi rel chih ve.
Dear Vice President Van Thio, Kan Chinram na dawt ruang ah thlakhat chung voi hnih tiang Hakha na phan cang, tuchun zong Lautu le Zophei peng na tlawng lai tiah thawng ka theih. Na khualtlawnnak tlamtling hram seh.
Si kho sehlaw Mara ram khuate pakhat tal ah va kal kho law an sining va zoh ta ve law kan i lawm ngai hnga. Kan miphun hawi an si ve ko nain cozah nih nan kaltak hna nak a sau ngai cang. Nangmah telh in kan MP hohmanh nih MP nan tlin hnu kum 4 chung ah Thantlang peng Mara ram nan phan bal lo, Mara caah cun lung nuam lo ngai khi a si.
Mara ram ah Landcruiser motor a kal khawhnak khuate a um lo caah na kal ahcun 125 saikel in an in kalpi a hau hnga, rampi vice president na si ko nain voi tam nawn an in tlukpi ve lai ka zumh. Luchin philh hram hlah law. NLD le nangmah an tanpi zungzaltu, Salai Lungthli Tum, Hakha. Credit: Salai Lungthli Tum
Leave a Reply