MDF Sakhan Kahdoh Kongah Chin Unau 4 Nih CNA Le Ṭangṭi Phu Ralrin An Pek Hna

MDF Sakhan Kahdoh Kong Ah Chin Hriamtlai Phu Unau 4 Nih CNA Le Ṭangṭi Phu Ralrin An Pek Hna, February 1 ni ah Mara ram chung ah a cang mi Maraland Defense Force (MDF) sakhan kahdohnak kong he pehtlai in Chin hriamtlai phu unau 4 nih Chin National Army (CNA) le ṭangṭi phu hna cu ralrin an pek hna. Mara ram chung ah Chin National Army (CNA) le ṭangṭi phu hna nih ramri lonh riangmang in February 1 ni thawk in Maraland Defense Force (MDF) sakhan pakhat cu Drone hmang in voi tampi bomb an thlak. Cu pin ah cu kahdohnak ah cun.

CNA le ṭangṭi phu nih sualnak ngei lo Darlin khua mino hna cu ralphaw ah an hman hna caah Chin hriamtlai phu unau 4 nih cu bantuk tuahsernak cu ka duh hrimhrim lo, tiah an langhter. Mara hriamtlai phu khat le phu khat kar buainak kong ah CNA le CDF ṭangṭi phu an i thlak ve cu Chin hriamtlai phu unau 4 kan lung a tling hrimhrim lo. Mara hriamtlai phu khat le phu khat kar buainak ruang ah CNA hruainak in CDF ṭangṭi phu nan i thlak rih a si ahcun.

Maraland Defense Force (MDF) le Chin hriamtlai phu unau 4 cu a herh ning paoh in kan cawlcang cang lai, tiah CNA le CDF ṭangṭi phu cu ralrin an pek hna. Thawng dang relchap- Mindat-Matupi Lampi Ah Rallam A Sial Mi SAC Ralkap Pawl CDF-Matupi Nih Bomb An Puahhnawh Hna, Chinram, Mindat-Matupi lampi lei ah Matupi khuapi hrambunh Khah-Lah-Yah 304 in SAC ralkap 100 hrawng rallam a sial mi cu CDF-Matupi nih bomb an puahhnawh hna i minung 6 hliam an pu, Chianpian (B) khua cu a ningpi ti tluk in an khangh, tiah CDF-Matupi nih nizan February 2 ah an thanh.

Khah-Lah-Yah 304 in SAC ralkap 200 hrawng cu February 1 ni ah Mindat-Matupi lampi cung Chianpian (B) khua lei ah rallam an sial i CDF-Matupi nih bomb an puah hna hnu, nizan February 2, zinglei suimilam 8:00 hrawng ah an thinhun lung in Chianpian (B) khua cu an khangh, tiah theih hna. SAC ralkap 200 chung in a zatceo hrawng cu Matupi khuapi lei ah an kir cang nain minung 100 hrawng an taan rih caah CDF-Matupi he zeitik caan paoh ah aa kap kho mi an si bantukin tualchung mi zong nih.

Matupi-Mindat lampi hmang rih lo ding in le ram ah kal rih lo ding in CDF-Matupi nih tualchung mi cu ralrin an pek hna. Matupi khuapi hrambunh Khah-Lah-Yah 304 Battalion cu a liamcia 2023 December thla chung ah Thebuai sakhan a chuahtak mi SAC ralkap nih thazaang an chapnak Battalion a si pin ah tukum 2024 January thla chung ah Sami khuapi no.2 Byuha sakhan a chuahtak mi SAC ralkap nih thazaang an chapnak Battalion a si.

Leave a Comment

Leave a Reply

Your email address will not be published. Required fields are marked *