Kawlram minthang hlasak thiam le Khrihfa tha Mee Mee Khel cu a rak dam lio ah a hawile hlasakthiam dangdang hna he cancer zawtnak a ngeimi pawl an thlawpnak siizung ah an kal i mizaw an va hnemh hna i Gospel hla hna an sak piak hna.
Mizaw pawl hnemhnak hla an sak piak mi cu a tanglei ah a video in tar chih a si i, Gospel hla tha, “Zei zong vialte Pathian nih tlam a tlinter ko lai” timi hla Pastor Sanpi nih a phuahmi hla kha a si. Mee Mee Khel he Esther Dwee le a dang hlasak thiam zong an i tel ve hna. Mizaw pawl nih an hlasakmi lung tho tein an zohmi video chung ah hmuh khawh a si.
Nain Mee Mee Khel cu nizan October 16, Australia caan zanlei suimilam 9.30 pm ah cung Pathian sin a kan dinh tak cang. Amah hi Kawlram minthang hlasak thiam Htoo El Lynn he aa um hmasami a si i amah he fanu pakhat an ngei. A fanu cu a pa-ei sin ah a um tikah Mee Mee Khel nih a fanu zawn ruat ah a thi sia a rem hnga maw tiah mipi nih an lungthalopi bikmi a si.
Mee Mee Khel cu a ke ah cancer zawtnak level 4 in a zaw i lam zong tha tein a kal kho lo. Cu zawtnak in kan hnu lei ah a thi cang tiah thawngpang deu tiang a rak thang i amah Mee Mee Khel lila nih ka nung ko, ka dam rih ko tiah fianternak a tuah than.
Nain tutan cu a zawtnak thlawpbul ding in an chung tein Australia ram an kal i Australia ram a nunnak a liam hi a si. Mee Mee Khel thihnak kong he pehtlaih in a pasal thing Htoo El Lynn zong nih nizan a lung thatlonak a chim i nizan ah kan tarpiak cang hna. Atu ah Mee Mee Khel nih a dam lio i cancer mizaw pawl a ven hna nak le Pathian hla in thazaang a pek hna nak kan van tarpiak than hi a si. Atangah an video zoh khawh a si.
https://www.facebook.com/christianlife17/videos/264550684966387
Video: Christ Life
Leave a Reply