August 23 zaanlei in Gangaw-Hakha-Thantlang-Falam peng mei a mit i COVID-19 mizaw oxygen a dawp lio mi caah thinphang a si ko, tiah Pu Cung Hu nih a chim.Hakha khua ah oxygen a dawp cuahmah mi mizaw hna caah ka lungre a thei. Zaanlei in electric mei a rawk i cylinders dur pawl zong rawn khawh an si ti lo.
Oxygen bawmtu vialte hna nih ngeihchun an hlut mi cylinders dur pawl a haang an reu dih ngawt cang. Concentrators zong mei lo cun hman khawh an si lo. Mei an remh khawh zokzok naklai Pathian sin ah thlacam cio usih,” tiah HBDO Director Pu Cung Hu nih a chim.
Atu mei a mit mi hi Gangaw pawng ah a rawh ruang ah a si i tuzaan hi zaankhuadei mei a mit kho tiah Hakha Electric Zung in tuanvo ngeitu pakhat nih The Hakha Times ah a chim. crd- The Hakha Times
Rel chap: Tuzaan Hakha-Falam-Thantlang Peng zaankhuadei mei a mit kho, August 23 zaan hi Hakha peng, Falam peng le Thantlang peng dihlak zaankhuadei mei a mit kho men, tiah Hakha Electric Zung in kan theih.Gangaw lei 66 mahar-dat-ar-line in a rawk mi a um i atu hi an remh cuahmah.
Tuzaan hi cu zaankhuadei a mit kho men. Zeitik ah an remh khawh lai a fiang lo,” tiah Hakha Electric Zung in tuanvo ngei pakhat nih The Hakha Times ah a chim.Hi kong ah, “Mei a mih mi hi aruang a um ko lai. Gangaw lei ah zeimaw tete thawngpang a um ruang ah mei an hmih hramhram mi a si lai,” tiah cheukhat nih an ruahdamh ve.crd- The Hakha Times
Leave a Reply