Melbourne Ni Chuah factory Tuff Tonneaus ah Rian a tuan mi Chin pa Corona Zawtnak na ngeih nak kong ah Community nih lawmhnak bia an chim. Aruang cu Community le Miphun dawtnak a ngeih caah a zawtnak kong kha mipi sinah a chimh caah asi. Cheutkhat cu an zawtmi kha an chimh du lo caah zawtnak I chawh lengmang asi.
Australia ram Victoria ramkulh chung thawngpang tete ka theihkhawh tawkin atanglei ah ka tial. Atu Victoria ramkulh Melbourne stage 3 lockdawn an tuahmi hi kan hnu lei a voi khatnak lockdawn an tuahmi nakin a nem deuh in an tuah. Nihin ah Covid-19 rungrul in a zawmi mithar an 216 an hmuhchap. Nihin ah kum 90 tharpa cu Covid-19 in a thi. Covid-19 in a thimi dilak 23 an si. Nihin tiang Covid-19 mizaw dihlak 3,560 an si.
Premier Daniel Andrews: Australia ram ramkulh vialte lakah Victoria ramkulh cu a tulio Covid-19 rungrul zawtnak a zualhmabiknak ramkulh a si caah Victoria premier Daniel Andrews le ngandamnak lei nawlngeitu hna nih Melbourne metropolitan 32 area ah a ummi vialte “Hmai-khuh” Mask hmanding ah thawngthanhnak a tuah. A bikin mi-bupi um kalnak Tlanglawng Taxi Uber le dawr tbk… cit le kal tikah hmanding a si lai.
Hi tining a si ahcun stage 4 lockdawn zong an tuah kho men mi a si caah ralring tein um/kalding a si lai. Sianginn a kaimi caah; Tangcheu in tanghra tiang sianginn khar holiday zarh khat an chap. Asi khawh ahcun online in kai a si lai. Tang 11 le 12 tu cu caan hman tein an kai ko lai. Tuahkhawh a si mi pawl; Siizungpi le Doctor sinah kal/ton khawh a si. Riantuan asiloah ( or) sianginn kai khawh a si. Mizaw zohkhenh asiloah ( or) mizaw thil va chanh/pek khawh a si. Pum ngandamnak caah cawlcanghnak tuah piak khawh a si. Ti le rawlcawk, a herhmi cawk tbk… ah kal khawh a si.
Minung pa 2 nih minung 20 birthday party tuahnak ding caah KFC eiding an cawk i, party an tuah caah $26,000 an liamter hna. Lockdawn a ni khatnak 9 July 2020 ah police nih minung 60 cu an fine dang an tak hna minung pakhat ah $ 1,652 an liamter hna.
Ngasio (fishing) kaltuah khawh a si Tlangval a ngeimi le nungak a ngeimi tbk i lenkaikhawh a si. Nanu le napa lengkai khawh a si sammehnak dawr ah kalkhawh a si. Thilri a herhmi cawkkhawh a si phanat le kedan ti bantuk cawkah kal cu a ngah lo. Minung 2 tiang a lengah tonbiaruah um khawh a si. Thitumnak puai ah minung 5 tiang i tel khawh a si. Mithi ruakhumnak ah minung 10 tiang long i tel khawh a nain, minung 10 cung na duh a si ahcun cozah sinah catial in halkhawh a si.
Tennis, boating, golf le surfing tuk tuah khawh a si. Inn an zuarmi auction cu umnak hmun in zoh le cawk a ngah. Cun Inn an zuarmi zoh duh ahcun appointment lakin zoh khawh a si. An Onmi Pawl Sii dawr rawl dawr Burning thilri dawr Sa zuarnak dawr vial tbk…hna cu on a si.Restaurant, coffee Zuu dawr, Bar dawr tbk…hi a cawk long a ngah. A chungah ei le din a ngah lo Thilri dawr vialte, Eiding dawr vialte le Sammehnak dawr hna cu on a si. Holiday na kal liopi a si ahcun a dih tiang na caan hman khawh a si.
Na caan na Holiday a dih tik tu ah inn ah na tlung te lai tinak. Nuam tein caan hman ko tinak mu. Tuah a ngahlomi pawl; Holiday kal a ngah lo. Lengkai a ngah lo. Community sport tuah a ngah lo camping kalkhawh a si lo. Na umnak area in a dang hmun ah kal a ngah lo puai stadium gambling cinema concert casino clubs tamhmuinak dawr gym holiday kalnak hmun, tilionak lengtecelhnak museum le zoo tbk pawl cu khar dih a si kal khawh a si lo.
Leave a Reply