Barcelona FC president Josep Maria Bartomeu Floreta le Messite pafa cu nizan ah suimilam pakhat le cheu chung hmai tongh in tonnak an ngei i Messi kong an ceih hna tiah theih a si.
Pakhat hmanh hnatlaknak ngaingai an tuah kho lo i, Bartomeu nih Messi cu Pound 630 a liam lawnglawng ah kan zuar lai a ti tiah theih a si.
Spain thanhca Diaro Sprot nih a tarlangh ning cun Bartomeu cu Barcelona official Javier Bordas he an si i Messi cu a unau Rodrigo le a lawyer Jorge Pocourt nih an zulh ve tiah a tarlangh ve. Barcelona nih Messi cu hi zatzat a tammi phaisa liam lo ahcun kan zuar kho lo i Barcelona in kan chuahter lai lo an ti ti si.
Messi pa Jorge Messi nih a fapa cu hnatlaknak minsen an thuhmi hnonpiak in chuahnak nawl pe uh tiah a chimhpiak len ti si. Nain zeihmanh hnatlaknak tuah kho lo in a voikhat ton biaruahnak a dih ti si.
Messi cu Barcelona team he zong training a tuah ve ti lo. Nain Barcelona nih Season thar i an ihruk dingmi uniform cawngia an tuahnak ah Messi hmanthlak an hman rih ko ti si.
Messi auh dingah Manchester City zong timhcia in a um i kum 5 caah Euros 700 a pek lai timi thawngpang zong a len ve. Nain Barcelona nih an halmi Pound 630 pek ding cun Messi caah buaibainak pakhat a si than.
Upadi ning tein tlangtlak ding ti zongah Barcelona lei nih bual co deuh lai tiah Spain thanhca nih an ruahdamhnak a tarlangh ve. La Liga zungpi zong nih Messi le Barcelona hnatlaknak cu amah ning tein a si ko tiah phung ning tein thanhnak an tuah ve ti si.
Cu tikah Messi nih Nou Camp chuak tak khawh aa zuammi hi si khawh dawh a si ti lo tiah Duwun nih a tarlangh hi a si.
Ref: DW
Leave a Reply