Mi Phaisa A Hlengtu Minu An Tlaih Khawh (+Video)

Wave Money phaisa kuatnak dawr ngeitu pawl iralring uh. A tang video hi nizan ah a cangmi thil a si. Hi thil cang hi Phyu myo ah a cangmi a si i, phaisa hluainak tuahtu hi Kyimano khuami Ma Khin Wai a si. Phyu palik nih an tlaih i case an tuah cang tiah theih a si.

Thil sining cu mi pakhat nih Wave Money in phaisa sing 20 an kuat i khatlei theih lomi nih a phaisa an thoh piak ti si caah kuatmi sin ah phaisa a phan ti lo ti si. Phaisa a hluaitu Ma Khin Moe Wai nih a hawile he timh ciammam in an tuahmi a si lai tiah ruahdamh a si. Palik nih an tlaih cang i an kherhhlai lai i thil sining taktak theih a si te lai.

Atu hi hi minu a tlaitu Phyu police force zong nih mipi ralring peknak cathanh an chuah phah cang. Korona vairas boruak buaipi lio ah caantha i lak in thil sual a tuahtu an tam cang caah Phyu myoma palik nih ralring peknak cathanh an chuak hi a si.

Home Stay ruangah Online Games hmangtu an tam cang i Cyber a hmangtu pawl nih Game thar an ser i cu Game in phaisa hlen hna an hmang ti si.

Mihleng hmang pawl nih siilei thilri zuarnak phun in website, e-commerce platforms, social medias le email pawl hmang in minthang company pawl min in thil zuar, phaisa ikuatter an hmang caah i ralring a herh tiah Phyu myoma palik cathanh ah an langhter chih.

Cu bantuk in nizan ah Wave Money phaisa hluainak in mi phaisa a hlengtu minu video cu a tanglei ah tar chih a si i zoh ve chin te.

https://www.facebook.com/110019453899398/videos/447800049506168/

Ref: Business Wave

Leave a Reply

Your email address will not be published. Required fields are marked *