Mindat Ah Ngakchia Pahnih SAC Ralhrang Bomb Tarhmi Nih A Puah Hna

February 4, zanlei suimilam 2:30 tluk ah Chin ramkulh, Mindat khuapi, pawng ah ummi inn pakhat a pawngkam thianhhlimnak an tuah lio ah SAC ralhrang bomb tarhmi nih kum 12 pa ngakchia le kum 14 nu ngakchia a puahhnawh hna tiah theih a si. Bomb puahhnawh naak in pa ngakchia 1 cu a keng ah bomb pelpawi nih a peh caah hliamfak a tuar, nu ngakchia 1 tu cu a ke khatlei a bul tiah kan theih. Bomb puahhnawh naak in hliamtuar mi ngakchia pahnih hna cu Mindat hrambunh SAC ralhrang khah-lah-yah(274) sakhan lei ah zohkhenh ding in ralhrang nih an kalpi hna.

Tiah khuami pakhat nih Mizzima media ah a chim. Chinram chung ah SAC ralhrang nih uknak an lak hnu kum 3 chung ah bom puahhnawhnak in Chinmi 23 leng an thi cang, tiah ICA lakmi cazin nih a langhter. Thawng dang relchap- SAC Nih Tuah Timh Mi Thimnak Ah Mipi I Tel Lo Ding In KIO Chairman Nih Ralrin Peknak Bia A Chim, SAC an nawlngeihnak pehzulh in a hmunh khawh nakhnga kum 2008 phunghrampi chirhchan in thimnak tuah an timh mi ah i tel lo ding in le miphun pakhat le pakhat kar buainak a chuahter khotu.

Pyituhsit cawlcanghnak ah mipi i tel lo ding in nizan February 5, Kachin dohthlennak kum 63 tlin camtuak an tuah mi biachimnak ah Kachin Independence Organisation (KIO) Chairman, General N’Ban La nih a chim. SAC an sungh hnu zong ah phu khat le phu khat kar ah buainak a chuak kho mi a si caah SAC ralkap a dohtu phu khat le phu khat kar ah lung i khahnak le lung i hmuhthiamnak cu a herh ngaingai mi a si i, SAC ralkap nawlngeihnak a um ti lo hnu ah daihnak a chuah khawh ṭhan nakhnga ram mi dihlak nih ṭuanvo kan ngei cio, tiah General N’Ban La nih cun a chim.

Kachin Independence Organisation (KIO) zong SAC ralkap a dohtu phu vialte he tonbiaruahnak kan ngei i, hriamtlai in kahdohnak ah aa tel mi phu hna he a herh ning in tonbiaruahnak ngei kho peng ding in timhlamhnak kan ngei. Cu pin ah a sung cuahmah mi SAC ralkap nawlngeihnak a dongh sin in mipi humhimnak, zalong tein khuasaknak le phungning tein i ukhruainak hna cu papek in kan kalpi hna lai, tiah KIO Chairman nih cun forhfialnak a tuah.

Pau dohthlen caan chung ah tualchung hriamtlai phu le mipi lungrualnak, ṭanrualnak thawng in hramhram nawlngeihnak a dihdongh deng cang caah SAC hruaitu hna le SAC ralkap pawl zong an lung a zor ning cu zapi nih hmuh khawh a si ko, tiah General N’Ban La nih cun a chim chap.

Leave a Comment

Leave a Reply

Your email address will not be published. Required fields are marked *