Mindat-Matupi Lampi Ah Rallam A Sial Mi SAC Ralkap Pawl CDF-Matupi Nih Bomb An Puahhnawh Hna

Chinram, Mindat-Matupi lampi lei ah Matupi khuapi hrambunh Khah-Lah-Yah 304 in SAC ralkap 100 hrawng rallam a sial mi cu CDF-Matupi nih bomb an puahhnawh hna i minung 6 hliam an pu, Chianpian (B) khua cu a ningpi ti tluk in an khangh, tiah CDF-Matupi nih nizan February 2 ah an thanh. Khah-Lah-Yah 304 in SAC ralkap 200 hrawng cu February 1 ni ah Mindat-Matupi lampi cung Chianpian (B) khua lei ah rallam an sial i CDF-Matupi nih bomb an puah hna hnu, nizan February 2, zinglei suimilam 8:00 hrawng ah an thinhun lung in Chianpian (B) khua cu an khangh, tiah theih hna.

SAC ralkap 200 chung in a zatceo hrawng cu Matupi khuapi lei ah an kir cang nain minung 100 hrawng an taan rih caah CDF-Matupi he zeitik caan paoh ah aa kap kho mi an si bantukin tualchung mi zong nih Matupi-Mindat lampi hmang rih lo ding in le ram ah kal rih lo ding in CDF-Matupi nih tualchung mi cu ralrin an pek hna. Matupi khuapi hrambunh Khah-Lah-Yah 304 Battalion cu a liamcia 2023 December thla chung ah Thebuai sakhan a chuahtak mi.

SAC ralkap nih thazaang an chapnak Battalion a si pin ah tukum 2024 January thla chung ah Sami khuapi no.2 Byuha sakhan a chuahtak mi SAC ralkap nih thazaang an chapnak Battalion a si. Ram leng thawng pang dang relchap- South Korea Ram Human Rights Commision Chairman Sin Ah SAC Nih Nuhrin Covo An Buarnak Kong _ NUG Minister U Aung Myo Min Myanmar ah hramhram in uknak lami SAC ralhrang hna nih nuhrin covo an buarmi vialte cu South Korea ram Human Rights Commision Chairman Song Doo Hwan sin ah NUG minister U Aung Myo Min nih chimphuannak a ngei, tiah South Korea ram um NUG zung nih thawngthanhnak a tuah.

South Korea ram a phanmi NUG Human Rights Minister U Aung Myo Min cu February 3, zing ah South Korea Human Rights Commission Chairman Song Doo Hwan he i hmu in Myanmar ram nuhrin covo kong he pehtlai in tonbiaruahnak an ngei tiah theih a si. SAC ralhrang cozah nih Myanmar ramchung mizapi nuhrin covo an buarnak kong he pehtlai in, South Korea cozah nih bawmhchanhnak a tuah dingmi rian pawl cu ruahnak pek ding, Kawlram chungah zalong tein tuahṭuannak nawl a ngeimi.

Human Rights Commision a um khawhnak ding le nuhrin covo ṭhanchonak kongah rian ṭuanṭi le NUG cozah nih a kalpi mi nuhrin covo rianṭuan naak ding te hna hi an si. Tonbiaruahnak ah hin Commission Secretary Park Jin le Director General Seok Jun Ri zong an i tel kho i South Korea ram NUG ṭuanvo ngeitu U Yan Naing Hthun telh in zung riantuantu hna zong an i tel kho hna, tiah theih a si.

Leave a Comment

Leave a Reply

Your email address will not be published. Required fields are marked *